Hêzanê Pawitişê Cînîyan êy Rochelatê Kurdistanî HPJ, 8’ê Adare firaz kerd.
HPJ vat: Ma do bi yewîtîya cînîyan peynîye ro qirkerdişî bîyarê.
HÊZÊY PAWITIŞÊ CÎNÎYAN ÊY ROCHELATÊ KURDISTANÎ HPJ
“MA DO BI YEWÎTÎYA CÎNÎYAN PEYNÎYE RO QIRKERDIŞÎ BÎYARÊ”
Hêznê Pawitişê Cînîyan êy Rochelatê Kurdistanî HPJ, bi wesîleya 8’ê Adare Roca Cînîyan ya Cîhanî, merasîmêke ro dar vist.
Endama Koordînasîyona KJAR’e Ciwana Sinê, Hemseroka KODAR’e Gulan Fehîme, Fermandara HPJ Faraşîn Mahabat, Endama
Koordînasîyona YJCR Vîyan Karox û Fermandara HPJ Rojda Zagrose, tewrê merasîmî bîy.
Fermandara HPJ Faraşîn Mahabate merasîmî de qisey kerd û nêy vatîy.
Ma 8’ê Adare Roca Cînîyan ya Cîhanî ke ro roşanê xoverdêrîya agêraya di serre de ro Rayver Apoyî, rayhevalêy cînîyan ke seba cuwîyeyêkê azad û birûmetî şehîd kewtê û ro heme cînîyanê cîhanî, firaz kenê.
Verva pergala camêrdaneyî ke wazena koletîya cînîye sero xo bidomno, tekoşîne û xoverdêrîya cînîyan, bîya tewir asê.
Tekoşîna cînîyan ya Cînanî vecîyaya astêka winayine ke, êdî nêşikena bêro astengkerdene,
Fermandar Faraşîne bale ante muhîmîya rayvistinbîyişê cînîye ser û wina dewam kerd.
Her gama ke heşmendî û rayvistinbîyişê cînîye aver kewenê, estbîyiş zî zafêrî yeno fehmkerdene.
Cînîy zafêrî ro erk û mîsyonê xo yê mîyanê cuwîyeyî de, wayir vecîyenê.
Ma 8’ê Adara 2021’ine, bi rihêkê winayinî verwazî kenê.
Faraşîne vatişê xo wina bi peynî kerdîy.
Ma bi sloganê ” Ma do bi yewîtîya Cînîyan peynîye ro qirkerdişê cînîye bîyarê.
Serdemêko newe dest pê keno.
No serdem serdemê cînîyan, serdemê azadî û demokrasîyî yo.
Bêguman do zehmetî est bê û bedêlîy giranîy bê.
La bi verkêşîya cînîye do merdimayîye teqez bireso cuwîyeyêko azad û zeypê.
