Navenda Resnayiş û Çapemenîya HPG derheqê êrişê artêşa Tirke û çalakîyanê Gerîllayanê azadîye de eşkerayîyêka nuştekî raya pêroyî reyde barî kerde.
Eşkerayîya Navenda Resnayiş û Çapemîya wîna ya:
Di çeroçveya Hemleya Şoreşgerî ya Bazanê Zagrosan de Gerîllayanê ma xeylê çalakîy ro dar vistîy.
25’ê Gulane herema Avaşîne,seetanê hetê şanî ra Gerîllayan verva mevzîyanê îşgalkeran çalakîy rodarvist.
Çalakîye de 3 îşgalkerîy amî kiştiş û îşgalkerêk zî ame birîndar kerdiş.Badê çalakîye,artêşa îşgalkere hereme ra hêzê xo apey kaşkerdîy. Artêşa Îşgalkere setê 21,30’ine de merdey û birîndarê xo hereme rakerdîy.
26’ê Gulane seet 06,30’ine ya serêsibey de, Gerîllayanê azadîye êrişê îşgalkeranê qilê Şehîd Cîgerxwînî ya koyê Sîyayî kerd. Gerîllayan dorme ro îşgalkeran girewt û encamê çalakîye de 2 îşgalkerî amey kiştiş.
28’ê Gulane de Gerîllayanê YJA-Stare verva îşgalkeranê zixrê Nêrweye çalakîyêk rodarviste.
Çalakîye de îşgalkerêk ame kiştiş û bi çalakîya gerîllayan îşgalkerîy apey ageyray.
HPG derheqê Hemleya Şoreşgere ya Cenga Xabure de zî ney zanayişî barî kerdîy:
28’ê Gulane de gerîllayanê azadîye, girê Zendure ya herêma Metîna de derbe ro îşgalkeran da. Bi çalakîya gerîlayan eskerê artêşa îşgalkere mecbur mendîy û apey remay..
Navenda Resnayiş û Çapemenîya HPG derheqê bombevaranê teyeranê artêşa tirke de zî ney zanayişî barî kerdîy.
27’ê Gulane de teyeran koyê Cîloya Zapî,
Reyna eynî roce de Mintiqeyê Mervanose û Şuke ya Avaşîne,
28’ê Gulane de herêma Çemçoye hetê teyeranê îşgalkeran ra ame bombevafan kerdene.
Encamê êrişê bombevaranê teyeran de şehîd û birîndarê ma çinyê.
