Fermandaranê YJA Stare ra Hêzîl Ozgure derheqê êrîşanê dewleta îşgalkere êy verva Zap, Metîna û Avaşîne û xoverdêrîya gêrîllayan sero qisey kerd.
Ozgure vat; Bi 5 teyare, 11 helîkopteran êrîş kerd.
37 dorîy esker rona la reyna 11 rocîy nêşikay bikewê mewzîyan û sîlahê kîmyewî bi kar ardîy.
FERMANDARANÊ YJA-STAR’E RA HÊZÎL OZGURE:
“NO ŞERR TENÊ ŞERRÊ DEWLETA TIRKE NÊ ŞERRÊ HÊZÊY HEGEMONÎKAN O”
Dewleta tirke ya îşşgalkere şewa 23’yê Nîsane de bi desan teyare û helîkopteran, bi hezaran esker, tîmê taybetî, cerdewan, êrîşê hermanê Zap, Metîna û Avaşîne kerd.
No êrîşo bi heme hêza tekînîkî ya NATO, bi xoverdêrîyêka tarîxî ya gêrîllayn reyde ribiri mende.
Fermandaranê YJA Stare ra Hêzîl Ozgure derheqê êrîşî û xoverdêrîya gêrîllayan de qisey kerd û nêy vatîy.
No şerr, tenê şerrê dewleta tirke ya îşgalkere nê, şerrê heme hêzanê hegemonîkan ke retamê şerrê 3’ine yê Cîhanî de yê û nêşikenê çareserî peyda bikerê, yo.
Yewîn hêza ke bi awayêko îdeolojîk, felsefî û birayvistinî, bişiko verava nêy hêzan bivindero, Têgêrayişê Azadîye ke hetê Rayver Apoyî ra ameya xuliqnayişî ya.
Ma bi konseptêkê mîyanetewî reyde ribiri yê.
6 serrîy o ma verva teknîkê tewir averkewteyî êy NATO şerr kenê.
Tewir peynî Heftanînîn û Garê de, hêze û xoverdêrîya Gêrîllayî amî dîyiş.
Na xoverdêrîye, ripêşa faşîzmê AKP wiste û riyê înan o raştîn vet orte.
FERMANDARANÊ YJA STARE RA HÊZÎL OZGURE:
“11 ROCÎY NÊŞIKAY BIKEWÊ MEWZÎYAN,SÎLAHÊY KÎMYEWÎ PÊK ARDÎY”
Hêzîl Ozgure vat.
Êrîşê 23’ê Nînane yo verva Heremanê Zap, Metîna û Avaşîne bi sloganê “bigeyre, bivîne, çinê bike û bi ca bibe”, ame destpêkerdene.
La îşgalkeran roca yewîne ra derrbêy zaf giranîy werdîy û tarûmar bîy.
Cesaret nêkenê kişte û dirbetinanê xo eşkera bikerê.
Tenê Mamreşo de, verva 7 gêrîllayan, bi 5 teyare û 11 helîkopteran êrîş kerd.
37 dorîy hêzîy ronay, la 11 rocîy nêşikay bikewê mewzîyan.
Badê 11 rocan, ke nêşikay verva 7 gêrîllayan game berzê, bi bêexlaqîyêka pîle û şerrî, sîlahê kîmyewî bi kar ardîy.
Ma bi dişmenêkê ende hov, bêexlaq û wehşîyî reyde ribiri yê.
Belkî kewtîy mewzîyan la artêşa îşgalkere ke heme teknîkê NATO bi kar ana, verva gêrîllayan têk şîya.
FERMANDARANÊ YJA STARE RA HÊZÎL OZGURE:
“CUWÎYEYO AZAD DO BI VERKÊŞÎYA CÎNÎYE KOYANÊ KURDISTANÎ DE PÊK BÊRO”
Hêzîl Ozgure derheqê xoverdêrîya Gêrîllayanê YJA Stare de zî nêy vatîy;
Roca destpêkerdişê êrîşî ra na heta, gêrîllayê YJA Stare bi xoverdêrîyêka tarîxî, heme mewzî û cepheyan de,derrbêy giranan ro îşgalkeran danê.
Do seba şarê Kurdî û Şaranê Rochelatê Mîyanênî, cuwîye û ameyîya azade bi na xoverdêrî, reyna Koyanê Kurdistanî de bi verkêşîya cînîye, pêk bêro.
FERMANDARANÊ YJA STARE RA HÊZÎL OZGURE:
“BI BÊVENGÎYA VERVA ÎŞGALKERAN TU MEŞRÛÎYETÊKÊ BEXDA Û HEWLÊRE NÊMENDO”
Hêzîl Ozgure, di peynîya qiseykerdişê xo de vatiş ard bêvengîya Bexda û Hewlêre ser û vat,
Verva nêy êrîşan ke binlingkerdişê serwerîye yê, bêvengîya Bexda û Hewlêre, yena mehneyê vîndîkerdişê meşrûîyetî.
Eşkera yan zî lûmite, bazar çi beno wa bibo, di çimê dinya de tu meşrûîyetêkê Bexda û Hewlêre nêmendo.
Heke wina nîya se, êy bixo zî perçeyêke nêy êrîşan ê.