Êrîşê dewleta tirke êy verva vaşûrê Kurdistanî 23’yê Nîsane ra na heta dewam kenê.
Di nêy êrîşan de bi desan welatijê sivîlîy amey şehîdkerdiş, bi seyan dewîy amey vengkerdiş û xozaya hereme amî talankerdene.
Verapeyê PDK sîyasetmedar, roşinvîr, nûştox, rocnamewan û sazî û dezgeyê sivîlî verva na rewşe nêrazîbîyişanê xo anê ziwan.
Ewro Hewlêre verê Parlamentoya Hereme de bi sebebê protestokerdişê êrîşanê îşgalî êy dewleta tirke çalakîyêka protestoyî amî rodarvistene.
Çalakîye hetê Partîya Komunîste ya Kuristanî ra amî organîzekerdene.
Nameyê çalakwanan sero eşkerayî amî wendiş.
Di eşkerayîye de vatiş wa peymana maberê Îraqî û Tirkîya ya ewleyîya sînorî bêro betalkerdene.
Gere baregehê eskerî êy dewleta tirke Vaşûrê Kurdistanî ra bêrê vetene.
Di eşkerayîye de ame vatiş êrîşê dewleta tirke êy verva Vaşûrî binlingkerdişê hiqûqê mîyanetewî, û talan û texrîbkerişê verva xozaye sûcê şerrî yê.
Reyna rewşa xirabe ya rayirberîya Vaşûrê Kurdistanî û binlingkerdişê heq û azadîyan amey rexnekerdiş.
Badê eşkerayîye Partîya Komunîste derheqê waştekanê şarî û êrîşanê îşgalkerîya Kurdistanî de dosîyayêke verkêşê parlamento kerde.
