3. KONGREYA MECLÎSA CIWANAN A HDP’Ê
HELWEST Û SEKNA CIWANAN ASTENGÎ Û HEWLDANÊN SABOTEKIRINÊ NASNEKIRIN
“Berxwedan xweş doz e, berxwedana Mezlûm e…”
Ev destpêka 3. kongreya meclîsa ciwanan a HDP’ê ye.
Ciwanên ji gelek bajarên Kurdistanê û Tirkiyê berê xwe dabûn Amedê, li Salona Kaplan Sitî kom bûn.
Ciwanan bi gerandina govendê wê coşa ku wê di kongreyê de bikin, nîşan dan.
Helbet polîsên Tirk dîsa li pey wê hewldanê bûn, ku beşdariya xurt a li kongreyê asteng bikin û sabote bikin.
Ciwanên bi cilûbergên neteweyî xwestin derbasî salonê bibin, hatin astengkirin.
3. KONGREYA MECLÎSA CIWANAN A HDP’Ê
DENG Û RENGÊ RÊBER APO SALONA KONGREYÊ RAKIR SER PIYAN
Vê coş û biryardariya ciwanan xwe li salona kongreyê jî da der. Û helbet sirûda Çerxa Şoreşê weke sond û soza xwe ji bo bîranîna şehîdan di destpêka kongreyê de danîn.
Kêliya herî bi coşa kongreyê jî dema nîşandana sînevîzyonê bû.
Ciwanan bi sloganên “ciwan fedayiyên Apo ne” bersiv dan deng û posterên Rêber Apo.
