Ney çend rocîy yê, ezmane şewanê vakûrî, ya Kurdan a.
Şewa bîne Batman de baregeha ÎHA û SÎHA’yan de û Şirnexe de zî fermandarîya cendirmeyan de teqayîşî pîlîy pêk amey.
3 rocîy ra ver zî Baregeha Eskerî ya Amede de çalakîyeke amebi kerdene û HPG bi eşkerayîyeke çalakîye girotbi xo ser.
Faşîstan bi raştî zî bi zurê rayedaranê dewlete ya “PKK qedîyaya” bawer kerdîy.
Vatîy qey meydane venga û bi awayoke emîn têgeyray.
La teqayîşanê Amed, Batman û Şirnexe înan şok kerd.
Nika zî bi awayoke bêveng cayê xo de ronişenê.
GERÎLLAYAN BOMBEVARANO HAWAYÎ
BATMAN DE BAREGEHA ÎHA Û SÎHA’YAN, ŞIRNEXE DE FERMANDARÎYA CENDIRMEYAN AMEY DERRBKERDENE
Şewa 20’ê Gulane ya bi 21’ê Gulane girêdaye, navenda Şirnexe de vengê teqayîşêkê pîlî ame.
Teqayiş hemyê bajarî de ame hesîyayiş.
No veng, vengê çalakîya teqayîşî ke Fermandarîya Tumene ya Sînor ya Cendermeyan ya 23’ine de pek ame, bi.
Teqayîşî ra dima îşgalkerîy kewtîy perrpetûne û vengê sîlahan ro Şirnexe vila bi.
Batmane de zî verva Fermandarîya Garnîzon ya Hewayî 3 çalakîy amey rodarvistene.
Îtîya zî ters û têgêrayîşê îşgalkeran ercîyayeyê dîyişî bi.
Cayo ke çalakî pêk amî, navenda teyyareyanê şerr ÎHA û SÎHA, ke oca ra wirzenê yo.
Walîtîya dewleta faşîste ya Batmanî hesabê xo yê Twîtterî ser ra, reyna propogandaya şerrê taybetî kerde vat:
“bi 3 teyyareyan hewldana êrîşî virazîyayo, la amey bêtesîr kerdene. Zirarêke nêvirazîyayo.”
La belê dîmenêy ke herême ra yenê verapeyê eşkerayîyanê walî û rayedaranê dewlete yê.
Xeylê ambulans, adirkuj û wesayîtê zirxînîy ver bi cayê teqayişî amey sewqkerdene.
GERÎLLAYAN HAWAYÎ RA PIRODAY
VERVA BAREGEHA ESKERÎ YA AMEDE ÇALAKÎY AMEBI RODARVISTENE
Şewa ke 18’ê Gulane bi 19’ê Gulane reyde girê daye, Amede de zî verva Balafirgeha Jetan ya 8’ine ya artêşa tirke 2 çalakîy amebîy rodarvistene.
HPG bi eşkerayîyeke dabi zanayene ke, Hêzanê Pawitişê Hewayî ya Şehîd Delal Amed ney çalakîy rodarvistê.
Çalakîya 1’ine verva awanîya pîlotanê şerr û personelanê hêzê hawayî,
Çalakîya 2’in zî verva qada ke teyyarayê şerrî warzenê amî pêkardene.
Di encam de zî Fermandarîya Baregeha Jetan ya Navendî de teqayîşîy pîlî pêk amey.
HÊZANÊ PAWITIŞÊ HEWAYÎ YÊ ŞEHÎD DELAL AMED;
PERGALA PAWITIŞÊ HEWAYÎ YA DEWLETA TIRKE TÊK BERDE
Rejîmo faşîst ya AKP-MHP, çapemenîya dewleta tirke ya şerrê taybetî, şew û roce propagandaya teknolojîyê şerr yê averkewteyî kenê.
La hem koyanê Kurdistanî û hem zî ezmanan de gerîllayê HPG û YJA-STAR, bi raybaz û taktîkanê gerîllatîya newîye, heme teknîkê şerrî êy dewleta tirke, têk berdê.
Ispatê nêy têkberdişê pergala pawitişê hewayî ya artêşa tirke zî, Hêzê Pawitişê Hewayî êy Şehîd Delal Amede yê.
Zerreyê Amede de balafirgeha tewir muhîme ya şerrî ya dewleta tirke, Batmane de navenda ÎHA û SÎHA yan û Şirnexe de zî Fermandarîya Tumene,hetê gêrîllayanê Azadîye ra yenê bombekerdene.
Îrade û gêrîllatîya Modernîteya Demokratîke, bîyê ters û xofê, îşgalkeran, ezmananê Kurdistanî de.
FERMANDARÊ NPG MÛRAT KARAYILAN:
GÊRÎLLAYÊ SERDEMÊ NEWEYÎ ZÊY XEYALETÎ YÊ
MIN VÊ DUBLAJÊ LI SER ZÊDÊKIR
Fermandarê Qerargehê ya Navenda Pawitişê Şarî Murat Karayilanî di bernameyeke televîzyona ma de bale antbi raybazê gerîlla yê serdema newîye ser û wina vatbi:
“Gerîlayê newîye zêy xeyalet ê. Çi cayî de biwazê, şikenê bivecîye orte.
Gamake nêwazê zî, kes nêşikeno şopa înan biveyno”
