Cenga Heftanîn bi awayoke destanî dewam kena.
Gerîllayanê HPG û YJA-Star derbey giran ro artêşa dewleta tirke danê.
Gerîlla Sara Ronahî cenga Heftanînî sero qisey kerd û vat:
“Bedel çi beno wa bibo, ma do serbikewê”
Gerîla Sara Ronahîya ke Cengê Heftanînî de ca gêna qala xoverdayîşê gerîlayan kerde.
Sara Ronahî da zanayene ke emser dewleta tirke Heftanîn de hêrişanê pîlan kena û vat:
“Dewleta tirke bi hêzê hewayî lej kena. Laçalakîyê ma zî dewam kenê. Gerîlayî her hele danê îşxalkeran ro û verê înan gênê. ”
Gerîlla Sara Ronahî vat, ma embazîye ra hêzê xo gênê û wina dewam kerd:
“Ruhê xoverdayîş û embazîye her cayê Heftanîn de nimite yo.
Ma sayê şehîdanê xo de planê dişmenî eşkera kenê. Dişmen do pê ma nêeşko.
Ma do çîyo ke ma ra ame waştêne, bikerê; ma do ser bikewê. Bedelê çi beno wa bibo ma do nê lejî de ser bikewê.”
Sara Ronahî wina dewam kerd:
“Heftanîn de sloganê ma kifş o; Tîya Heftanîn o. Dişmen nêeşkeno tîya ra weş bivejîyo. Armancê ma eşkera yo. Tîya erdê Kurdîstanî yo. Qoricî û leşkerî do bi weşî Heftanînî ra nêvejîyê. Ma Heftanîn înan rê bikerê goristan. Erdê Heftanînî fîraz o.”