Fermandaranê Qerargeha Navendî ya HPG yî ra Hakî Armancî derheqê qewemîyayişê vizêrînî de qisey kerd.
Armancî vat;
Sûcdarîyê PDK, ke vanê gêrîllayî êrîşê pêşmergeyan kerdo, bi temamî zûr ê.
Sûcdarîy, kesêy ke fermanê şirawitişê hêzêy çekdaran yê hereme dayo yê.
Gere vernî hesabê naye bêro dayiş.
Mexsedê dewleta tirke, wextêko kilm de temamkerdişê îşgalî bi.
44 rocîy o, gêrîlla verva nêy êrîşan xoverdêrîyêka tarîxî dano û îşgalkerîy hereme de asê mendê.
Mexsedê ma tenê vindarnayişê îşgalkeran nê, di cayanêy ke bi ca bîyê ra zî qewernayiş o.
Armancî vatiş ard qewemîyayişê 5’ê Hezîrane ser û nêy vatîy.
Vizêrî çîyêy zaf nêweşîy pêk amey.
Ez keyeyanê pêşmergeyanêy ke cuwîyeyê xo vînî kerd rê serweşîye û dirbetinan rê zî şîfa wazena.
Gere verpersîyarê ney qewemîyayişê xemgînî, bêrê eşkerakerdene.
Kamî êy hêzîy, bi çi mexsed şirawitîy hereme?
25 serrîy o gêrîllayê ma îtîya yê û nika zî verva êrîşanê îşgalkerîye, mewzîyan de yê.
Bi konvoyê 50 wesayît û sîlahê giranan hêzê eskerî şirawitiş, telîmatê kamî yo.
FERMANDARANÊ HPG’YÎ RA HAKÎ ARMANC
“TU NÎYETÊKÊ MA YÊ VERVA KURDAN ŞERRKERDIŞÎ ÇÎN YO”
Hakî Armancî vat;
Di qewemîyayişê vizêrînî de pêşmergeyan senî cuwîyeyê xo vînî kerd, ma nêzanenê.
Bi goreyê dîmen û tay agahîyan, hetê dewleta tirke ra ameyê bombevarankerdene.
La ma çîyêke ra emînê ke, dewleta tirke na rewşe ra zaf memnûn bî û wina dewam kerd.
Nika rewşêka asayî, la zaf xesase est a.
Pêşmergeyan Gabanê Begova ra heta Kanî Masî xeylê noqtey awan kerdê û verva hêzanê ma astengîyan vecenê.
Nêy cayêke ma tede yê rûmetê şarê Kurdî yê û tu hêzêke nêşikena ma îtîya ra, biveco.
Heke hêzê PDK averşîyişê xo bidomnê do şerr biqewemîyo.
Gera şarê Vaşûrê Kurdistanî bizano ke, zê Hêzanê Pawitişê Kurd û Kurdistanî, tu nîyetêkê ma yê verva pêşmergeyan şerrkerdişî, çîn yo.
Verapeyê naye, heme fermandarê ma, vengdanê bi pêşmergeyan reyde, şerrê verva îşgalkerîye kenê.
Fermandaranê Qerargeha Navendî ya HPG yî ra Hakî Armancî qiseykerdişê xo wina bi peynî kerdîy.
“Ma xoverdêrîya şarê Silêmanîye silam kenê.
Vindertişêko bi rûmet bi.
Ma heman vindertişê şarê Hewlêre û Dihoke ra zî pawenê.
Heke şarê Amedîye vizêrî bertekîy nîşan bidayêne, belkî bişikayêne pêşmergeyan bivindarnê û no qewemîyayişo xirab pêk nîyameyêne.
Ger şar zî bi verpersîyarî tê bigeyro û vernîya qewemîyayişanêy ke dişmenanê ma kêfweş kenê de, bivindero.”
