Vervatoxa HDP Ebru Gunaye awanîya HDP de rojdema sîyasî sero qisey kerd..
Ebru Guney da zanayişî ke, Hukumat hewldano baebta Garê sero sîyasetê welatî newera dîzayn bikero.
VERVATOXA HDP EBRU GUNAYE:
“HUKUMATÊ AKP-MHP VERPERSÎYARÊ QETILKERDIŞÊ ÊSÎRAN O”
Vervatoxa HDP Ebru Gunaye awanîya HDP ya Enqera de çapemenîye dir kombîyayiş ro dar vist.
Ebru Gunaye da zanayişî ke,Hukumatê AKP-MHP’yî hewldano kiştişê Êsîranê Garê sero sîyasetê Tirkîya newera dîzayn bikero û una vat:
Ez serede sernameyê partîya HDP ra kesanê ke Garê de cuwîyeya xo vinî kerd,ez keyeyanê înanrê serweşîye wazena. Zey her wextê nika zî hukumat hewldano mergê însanan ra îstîfade bivîno. Hukumatê AKP-MHP wazena bi raya çapemenîye,verpersîyarê xo bi temerno. Bi fermanê Hukumatî Garê de êrişêk ame organîze kerdiş. La plana hukumatî fîyasko vecîyay. Artêşa Tirke bi tonan bombey eştî Garê. Hukumat verpersîyarê mergê êsîrano.
Ebru Gunaye da zanayişî ke Hukumatê AKP-MHP 5 serîyo semedê ney kesanê êsîran çîyîk nêkerd û vat;
5 serîra zêdêro, ney kesê Esker,Polîs û Endamê Mîtî destê PKK de esîrbîy. PKK nameyê ney heme êsîran raya pêroyîrê eşkera kerdebi..Keyeyê êsîran berê heme partî,sazî û komeleyan ro şîy zere û waştên domananê xo bi saxî bi xelesnê. La belê hukumatê AKP-MHP verpresîyarîya xo bi ca nêarde. Nika zî Hukumat hesabdayişê, kiştişê êsîran ra remeno.Verpresîyarîya kiştişê êsîran Hukumat o. AKP, bi sebebê qetlîamî, êrişê Gare kerd.No heqîqet o. Gere hukumat hesabê ney qetlîamî bido.
Babetêka bîne ya rojdema Vervatoxa HDP Ebru Gunaye,pergala tecrîdê Îmralî û çalakîya tepişteyanê zîndanan bîy.
Ebrû Gunaye da zanayişî ke, Îmralî de pergala tecrîdî dewam kena. Bi sebebê peynîkerdişê Pergala Îmralî û tecrîdê ro ser Brêz Ocalanî,107 zîndanan de bi hezaran tepişteyê sîyasî çalakîya grevê veyşanî de yê. Çalakîya grevê veyşanîya tepişteyanê zîndanan roca 85’ine de ya.Hukumat çalakîya tepişteyan sero zî bêvengo. La gere gamêk raver tecrîdê ro ser Îmralî bi peynî bibo..
Ebrû Gînaye qiseykerdişê xo de 21’ê sibate roca ziwanê daye fîraz kerd.
