Murat Yildiz Dewa Kilmerî ya Qezaya Pîlure Dersîme de heywanîy wey kerdên.
Seba ke heyvananê xo bero zozanan,heywananê xo rê cayê wareyê hedre kerdên.
Artêşa Tirke bi teyyaranê bi çek ya SÎHA 7’ê Gulane de, dormeye dewe bombevaran kerd.
Teyyarayan wesaîta Murat Yildizî hedefgirewtbî û Muratî cuwîyeye xo vînî kerd.
Babîyê Muratî,Mazlum Yildizî kiştişê lacê xo sero ney ardîy ziwan;
7’ê Gulane de lacê min, keyera seba cayê zozanan esparê wesaîta xo bi û keye ra vecîya.
Ma 2 rocî tu xebarêk lacê xo ra nêgirewte.
9’ê Gulane de kesêk bi motore ame û minra vat,wesaîtêk ameya bombekerdene û zerreyê wesaîte de însanêk ameyo kiştiş. Ma serero fermandarîya Cendirmanê Dewlete da, Fermandarîya Cendirman mara vat şêrên serero Edlî Tiba Meletî bidên.
Mazlum Yildizî da zanayişî ke, wesaîta ke ameya bombekerdene,nîna şinaskerdene.
Parlementerê HDP yê Dersîme Alîcan Onluyî keyeyê Murat Yildizî zîyaret kerd..
Wekîlê HDP zilm û qetlîamê Dewlete sero ney ardîy ziwan;
Murat Yildizî hedreyîya şîyayêşê wareyan kerdên.
La dewleta tirke bi SÎHA’yan Murat Qetil kerd.
Ez artêşa Dewleta Tirke û qetîlan şermezar kena..
Trobzon de artêşa tirke Eren Bulbul qetil kerd û Dersîme de zî Murat Yildiz binê nameyê operasîyonê Eren 7’ine de qetil kerd.
Şarê ma 38’ine ra naheta hetê Dewlete ra raştê terteleyî yenê.Kiştişê Murat Yildizî sucê şerîyo.
