Nêrazîbîyişê verva êrîşanê îşgalkerîye êy dewleta tirke êy verva Heremanê Pawiteyan êy Medya dewam kenê-.
Kampa Şehîd Rustem Cûsî ya Mexmûre de bi verkêşîya Têgêrayişê Cînîyê Ciwanan û Têgêrayişê Ciwananê Mexmûre meşêko meşaleyî ame rodarvistene.
Ciwanîy verê Awanîya Keyeyanê Şehîdan de kom bîy û dest bi meş kerd .
Meşî heta Parka 4’ê Nîsane dewam kerd.
Meşwanan îtîya eşkerayîyêke da.
Di eşkerayîye de bale ancîya tecrîdê verva Rayvertîye ser û nêy amey vatene.
Di serre de dewleta tirke û hem hêzêy emperyalîstî gere bizanê ke Rayvertîye xeta ma ya sûre ya.
Di eşkerayî de bêvengî û hemkarîya PDK ya di êrîşanê dewleta tirke de amî şermezarkerdiş û nêy amey vatiş.
PDK Vaşûrê Kurdistanî teslîmê dewleta tirke ya faşîste kerdo û axa Vaşûrî bîya cayê cirîtê MÎT û çeteyanê dewleta tirke.
Gere ciwanîy verva nêy polîtîkayanê hemkarî, îxanet,îmha û îşgalî bêveng nêmanê û vengê xo berz bikerê.
Ciwanan vat; Êy do verva îşgalkerîye di kişta gêrîllayan de bê û hete peynî verva îşgalkerîye tekoşîne berz bikerê.
HÊRSÊ CIWANAN YÊ VERVA ÎŞGALKERÎYE
CIWANÊ ŞENGALE: “DEWLETA TIRKE TÊKŞÎYIŞÊ GARÊ Û HEFTANÎNE RA DERSE NÊGIROTA”
Bi heman mexsedî ciwananê Şengale zî meşêke ro dar vist.
Meş bi verkêşîya Yewîtîya Cînîyê Ciwanan êy Êzîdîyan û Yewîtîya Ciwanê Êzîdîyan ame rodarvistene.
Meşî Komlgeha Digurê ra dest pê kerd û heta verê Meclîsa Şarî ya Komalgehe dewam kerd.
Îtîya eşkerayîyêke amî dayiş.
Di eşkerayî de xoverdêrîya Zap, Metîna û Avaşîne amî silamkerdiş û nêy amey vatiş;
Di serrêy peyênan de êrîşê dewleta tirke ya îşgalkere êy verva hereme zêdîyayê.
Hêzêy mîyanetewî bi bêvengîya xo paştîye danê nêy êrîşan.
Dewleta tirke bi ney paştîdayişî, bêke têkşîyişê Garê û Heftanîne ra derse bigero, dorêka bîne êrîşê Metîna, Avaşîn û Zape kerd.
Heke dewleta tirke di nêy êrîşanê xo de bi ser bikewo do dore bêro Şengale û hemeyê Vaşûrê Kurdistanî.
Seba ke vernîye ro naye bêro girotiş gere heme ciwanê Êzîdîyan heşîyarîy bê û paştîye bidê lejwan û gêrîllayan.