Vaşûrê Kurdistanî de nêrazîbîyişê verva îşgalkerîye verhîra benê.
Têgêrayişê Ciwananê Welatpawêran û Têgêraişê Cînîyê Ciwanan êy Vaşûrî bi wesîleya serragêrayîya Şehadetê Endamê Komîteya Navenda PKK yî Kasim Engînî merasîmêke ro dar vist.
Merasîm mezelê Şehîd Kasim Engînî sero ame pêkardene.
Di eşkerayîya Ciwanan de vengdanê seferberîye ame kerdene.
Di eşkerayîye de ame vatiş dewleta tirk seba ke bireso mexsedê xo çeteyan bi kar ana û vernîya na îşgalkerîye de zî astengîya tewir pîle PKK û gêrîllayê azadîye yê.
Di eşkerayî de bêvengîya hikumatê hereme amî şermezarkerdiş û ame vatiş;
Hikumatê hereme bi sebebê menfîetanê xo ze ke îşgalkerîye çîn ya û înan eleqeder nêkena têgeyreno.
Ciwanan vengdanê seferberîye ya Komalêy Ciwanan silam kerde û vat
Ma qerar dayo ke tewrê ney vengdanî bibê û di kişta gêrîllayî de şerr bikerê.
HELBESTWAN TELET TAHÎR:
“MEXSEDÊ ÊRÎŞANÊ DEWLETA TIRKE ÇINÊKERDIŞÊ KAMÎYA KURDE YO”
Helbestvan Telet Tahîrî zî bêvengîya hikumatê hereme ya verva êrîşanê dewleta tirke şermezar kerde û vat.
Mexsedê ney êrîşan çinêkerdişê kamîya kurde yo.
Telet Tahîrî veng ro nûştox, roşinvîr û hunermendan kerd ke vengê xo berz bikerê.
Tahîrî helwesta tay dormeyanê Kurdan ya verva êrîşanê Îsraîlî yê ro ser Flîstînî zî viste vîrî û vat;
Heman dormey verva qirkerdiş û îşgalkerrîya ro ser Kurdistanî bêveng ê.