Hem serkewtişê gerîllayan ya Herêmanê Pawiteyan ey Medya û hem zî çalakîyê înan ya bi dronan reyde, psîkolojîya artêşa tirke serûbin kerda.
Eskeranê tirke ke bi hêstê netewperestîye yenê perwerdekerdene, di qada şerrî de verva taktîkanê gerîllayan, dekewnê panîke, cayanê xo verdenê û remenê.
Artêşa tirke 23’ê Nîsane ra na heta herêma Zap, Avaşîn û Metîna de mîyanê têgêrayîşê îşgalkerîye de ya.
Rixmê bi hezaran esker, tîmê taybetan û çeteyan bi qasê 500 cerdewanîy zî şirawîyayê hereme.
Cerdewanêy ke tewrê na îşgalkerîye bîyê vanê hûmara eskeranêy ke ameyê kiştişî zaf a la artêşa tirke kişteyanê xo lûmnena.
CERDEWANÊY KE TEWRÊ ŞERRÎ BÎYÊ QISEY KERD
“PSÎKOLOJÎYÊ ESKERAN SERÛBIN BÎYO, NÊWAZENÊ ŞIRÊ QADA ŞERRΔ
Cerdewanêy ke tewrê şerrî bîyê vanê seba ke hûmara eskerêy kişteyan zêdîyena, cerdewanîy naye ra verpersîyar yenê girotene.
Zê nimûneyî 22’ê Gulane mentîqaya Zinaranê Kestaye de 7 eskerîy amey kiştene.
Ney kiştişî ra cerdewanîy verpesîyar girotîy û eskeran êrîşê cerdewanan kerd.
Reyna di şerrê hereme Kato Sulhê ya Sînorê Qilebane de, seba ke hûmarêka zafe eskerîy amey kiştiş, esker û cerdewanîy nêwazenê şêrê operasîyon.
Cerdewanîy vanê kestiş û îmhabîyişê 7 dronan, 15 rocîy o helîkopterîy zî tersan ra nêwirzenê û gama ke wirzenê zî lembayanê xo tefênenê-
Agahîyêy ke hetê cerdewanan ra yenê dayişî, gere seba heme kurdanêy ke xizmetê dewleta tirke kenê, bibê îbret.
CERDEWANÊY KE TEWRÊ ŞERRÎ BÎY QISEY KERD
“ARTÊŞA TIRKE CAYÊ TALÛKEYAN DE CERDEWANAN DANA VERNΔ
Cerdewanan bale ante ferasetê artêşa îşgalkere ser û vat.
Di cayê talûkeyan êy şerrî de eskerîy tic cerdewanan danê refê verênan û nimûney day.
Herema Metîna de tunêlêka şerrî amî dîyiş. Seba ke bikewê tunêle komêka taybete arde.Bado zî xaz eşt zerreyê tunêle.Gama ke kewtîy zerre, gêrîllayan êrîş kerd û xeylê eskerîy amey kiştene.
Nizdê 35 rocan o êrîş benê tunêle ser la tim têk şinê û xo apey ancenê.Coka nika cerdewanan danê vernî.La êdî ke nêwazeno tewrê şerrî bibo.
Her roce dronêy PKK yî serreyê ma sero geyrenê.Kiştey nînê eşkerakerdene û helîkopterîy zî tersanê gêrîllayan ra nêşikenê bi rihetî hereme de ronê.
