Hemserokê Konseya Rayirbere ya KCK’î Cemîl Bayik cevab da persanê malpera Responsible Statecraft.
Na malpere binê banê Enstîtuya Quincy ya Amerîka de ya.
Derheqê persê têkilîya Têgêrayîşê Azadîye û Rojavayê Kurdistanî de, Cemîl Bayikî di vernî de, karakterê Şoreşa Rojavayî sero vinder û vat:
Rojavayî de şoreşêko ke tesîrê heme merdimayîye kerd, pêk ame.
Şoreşa demokrasîye bi verkêşîya cinîyan aver şi.
Civat û bawerîyê cîya cîyayan, têreyde bi awayeko azad û aram cuwîyenê.
Cemîl Bayikî desnîşan kerd ke, şoreşa Rojava heme dinya rê eşkena zey mînake bêra dîyîş û wina dewam kerd:
Ney şarî, verva rejîma Baas ya Sûrîya serre wedart û heremê xo azad kerd.
DAÎŞ’î zî têk berd.
Şarê Rojava di ney şerrî xo yê rûmete de 12 hezarîy şehîdî day.
Helbet tenê bi saya hêza xo ya eskerî nê, bi karakterê xo êy demokratîke û azadî, DAÎŞ’î têk berd.
Bi hişmendîya Netewa Demokratîke verva DAÎŞ’î şerrêko tarîxî dîya.
Cemîl Bayikî da zanayene ke, heke ney fikr û raman nêbaynê se, do zadê erenê Surîya û Iraqî paştîye bidaynê DAÎŞ’î û wina dewam kerd:
Ferasetê demokratîke êy Rojavayî, bi fikrê Rayver Apoyî awan bîy.
Fikr û felsefeyê Rayver Apoyî nêbenê sebebê tu persgîrayan.
Heke Şoreşa Rojavayî bi fikr û ramanê Rayver Apoyî pêk nêameynê se ,Rojava azad nêbîne û DAÎŞ’î vînî nêkerdên.
Do DAÎŞ’î Sengale de heme Êzîdî qetil bikerdên û Vaşûrî zî îşgal bikerdên.
Bi hezaran Gerîllayê ma şîy Rojava û di şerrê verva DAÎŞ’î de şehîd bîy.
CEMÎL BAYIKÎ RESPONSİBLE STATECRAFT’E RÊ QISEY KERD
“GERÎLLA SEBA KE HEQDAR Ê, BI HÊZA XO YA FIKR Û MORALÊ XO BI SER KEWNÊ”
Derheqê persêke PKK’yî ser de, Cemîl Bayikî destnîşan kerd ke, PKK koyan de xo bica kerdîy.
La belê 4 beşanê Kurdistanî de wayirê binkeyêkeke civakî yê û wina dewam kerd.
Her 4 beşanê Kurdistanî de zî şar bi PKK’yî reyde serre berz o.
Do paştîdayîş û zerrweşîya xo zî heme şertan de nîşan bido.
Sîlehê ke destê Gerîllayan de, sîlehê ferdî yê.
Sîlehê ke destê dewleta Tirke de yê, sîlehê NATO’yî yê.
Dewleta Tirke, Emerîka û Ewropa ra paştî gêna.
Xûrtkerdişê sîlehan, şerrî nêdano qezenckerdene.
Şerr bi heqdarî û bi xûrtbîyîşê fikr û moralan yeno qezenckerdene.
Cemîl Bayikî dîyar kerd ke, serkewtişê gerîlla ya vevra dewleta tirke, bi saya hêza fikt û morale pêk yeno û vat:
Di serranê peyenî de, dewleta Tirke bi wayîrê sîlehenê giran û teyarayanê bêpîlotan.
Di şerrê xo yê verva Gerîllayan de heme îmkananê xo seba encamî girewtişî serf kerd.
Bêguman bi sebebê ney sîlehan, çend qewimyayîşanê nêbaşîy qewimyay.
La ma tekoşîn û rayvistinêka newîye ya Gerîllayan aver fînenê û do ney sîlehîy bêtesîr bimanê.
