Endama Konseya Eskerî ya YJA-Star Bêrîtan Dersime, tekoşîna azadîya cinîya kurde sero televîzyona ma rê qisey kerd.
Bêrîtan Dersime bale ant hemleya KJK ya seba azadîye ser û vat, do na hemle bireso mexsedê xo.
ENDAMA KONSEYA ESKERÎ YA YJA-STAR’E BÊRÎTAN DERSIM:
“CINÎY BÎY ARTÊŞE Û VERVA DESTHILATDARÎYA CAMÊRDÎ VINDENÊ”
Endama Konseya Eskerî ya YJA-Star’e Bêrîtan Dersime, meymana bernameya Taybet ya televîzyona ma Stêrk bî û mijaranê rojdeme sero qisey kerd.
Bêrîtan Dersime 8’ê Adare zêy roja tekoşîn û xoverdêrîye biname kerd û vat;
“Seba ma her roce bîy 8’ê Adare û bi tekoşîne derbas benê.”
Bêrîtan Dersime mijara artêşbîyîşê cinîyan sero vindert û ney vatîy:
“Ma zey YJA-Star heme qadanê şerr de cayê xo gênê.
Ma heme beşanê Kurdistanî de zey artêşa cinîye, estê.
Tarîxê azadîya cinîye de, cinîy bi Tekoşîna ma ya Azadîye raya yewin wina zaf berdêl danê.
Vernîya cinîye abî û ame asteke ke cinîy êdî her cayî de verkêşîye kenê û civat û dinyayî vurnenê.
Ma verkêşî kenê.
Cografîyaya tewr zahmet de, verva dişmenê tewir hove ma na tekoşîne rayra benê.
Bi no sebeb, êy ke tewr zaf 8’ê Adare watedar kena, Tekoşîna ma ya Azadîye ya. ”
dîmenê serok bidin li vir
Endama Konseya Eskerî ya YJA-Star dîyar kerd ke, bi saya Rayver Apoyî, tekoşîna cinîya kurd ewro 4 beşanê dinya de veng da.
ÊRIŞÊ QIRKERDIŞ Û ÎŞGALKERÎYE
BÊRÎTAN DERSIM: HETA KURDÎK ZÎ BIMANO,DO PKK NÊQEDÎYO
Bêrîtan Dersime derheqê êrîşanê qirkerdişî de zî ney vat:
“Yew kurd zî bimano, do PKK nêqedîyo. Yew mîlîtan zî bimano, PKK nêqedîyeno.
Gere dişmên naye hezm bikero. Gere qabûl bikero. Ma do êrîşan vina înan ra bîyarê.”
Bêrîtan Dersime mijara hemkarîya AKP bi PDK û verwazî kerdê serçete Nasir Herîrî ya hetê PDK sero zî qisey kerd û vat;
“Gere şarê Vaşûre û partîyan, Mesud Barzanî ra hesab bipersê.
Bi kamder cesaret Nasir Herrarî ano xo het?
Naye çîyeke rêze ra nîyo ke merdim behs bikero û derbas bikero.
Gere cinîye mîyan PDK, nameye cinîyanê Efrîne sero ney îxanetî qabûl mekerê. ”
ROLÊ XOPAWITIŞÎ
BÊRÎTAN DERSIM:ŞERRÊ MA SEBA PAWITIŞÊ CINÎ, CIWAN Û CIVAKE YO
Endama Konseya Eskerî ya YJA-Star, rolê xopawitişî sero zî vinder û vat:
“Şerrê ma, şerrê hesab waştişî yo. Tekoşîna ma, tekoşîna hesabpersayîşî yo.
Û na hesabwaştiş, emserr, serra 2021’ine de do zafêr xidar bibo.
Emserr, bi verkêşîya cinîyan, hîvîya azadîye û îddîaya azadîye zafêrî xurt bena.
Bi hemleya KJK reyde zî, do hemleya azadîye zafêr xurt û dinya de vila bibo. ”
