HEMLEYA”WEXT WEXTÊ AZADÎYE YO”
ÇALAKÎYA TEPIŞTEYANÊ DOZA PKK Û PAJK’E ROCA 130’INE DE YA
Çalakîya tepişteyanê doza PKK û PAJK’e ya verva tecrîdî, bi qerardarîye dewam kena.
Bi hezaran tepiştey, seyî zêdêrî zîndanan de tewrê çalakîya grevê veyşanî benê.
Çalakîya verva tecrîdî ya tepişteyanê doza azadîye, bi koma 26’ine di roca 130’ine de ya.
Çalakîya grevê veyşanîye, bi sebebê tecrîdê verva Rayver Apoyî ,27’ê Mijdare serra 2020’ine de amebî destpêkerdene.
Tepişteyê doza PKK û PAJK’e êy zîndanan vanê heta tecrîd bi peynî bibo, ey do çalakîya xo bidomnê.
ZÎNDANAN DE TECRÎD Û ÎŞKENCE ZÊDÎYAYÊ
BARO Û ÎHD’YE DERHEQÊ ZÎNDANÊ ŞIRNEXE DE RAPORÊKE EŞKERA KERD
Komîteya Baroyan, Komeleya Heqanê Merdiman IHD,Komeleya seba Azadîyan Hiqûqnasîy OHD, Temsîlkarîya Weqfa Heqanê Merdiman THÎV’e ya Şirnexe, derheqê Zîndanê Tîpa T ya Şirnexe raporêk hedre kerd.
Raporê Sazîy û Komeleyan hetê pawitox Newroz Uysale ra ame bare kerdene.
Pawitox Newroz Uysale vat,
Zîndanê Tîpa T ya Şirnexe de gelêke heqê tepişteyan yenê binling-kerdene. Tepiştey verva tecrîd û îzolasyonê Îmralî kom bi kom tewrê çalakîya grevê veyşanî benê. 4 aşmîy o nîmeya zîndanan de çalakîya grevê veyşanî est a. La heta nika îqtîdar,seba peynîkerdişê tecrîdî tu gamêk nêeşte. Lazimo heme civat bi çalakîya grevê veyşanî bihesîyo. Tepiştey wazenê tecrîdê ro ser îmralî gamêk raver bipeynî bibo.
Pawitox Newroz Uysale bale ante rewşa Zîndanê Tîpa T ya Şirneze ser û vat:
Îdareyê zîndanê hewldano,tepişteyan sero sehnayişo biviranî ferz bikero. Reyna îdareyê zîndanî keyeyê tepişteyan sero zî zilm û heqeratê xo zêde kerdê. Gere gamêk raver hukumat peynî ro zilm,heqarat û îşkenceyî bîyaro.
