Di çarçoveya Hemleya KCK ya seba azadîya fîzîkî ya Rayver Apoyî de, Heleb de cenîy Kurd vecîyay meydanan.
Cenîyan bi diruşmeya “Cenîyê azadîya Rayvertîye wazenê” 3 qolan ra meş rodarvistîy.
Kongreya Star ya Helebe, seba şermezarkerdişê tecrîdkerdişê Rayver Apo’yî, bi diruşmeya “Cenîy azadîya Rayvertîye wazenê” meşî rodarvistîy.
Meşa 1’ine taxa Şêxmeqsûde, meşa 2’ine vernîya Navenda Têgêrayîşê Ciwananê Şoreşgere de û meşa 3’ine zî vernîya Keyeyê Cenîyan de dest pê kerd.
Her 3 meşîy qada Cîbyatî ya rojhilata taxa Şêxmeqsûdî de bîy yew.
Ûca de seba vîrardişê şehîdan deqeyêk rêzgirewtiş ame girewtene.
Dima ra zî nameye Kongreya Star Sûad Hesen qisey kerd û da zanayene, tekoşîna înan seba azadîya Rayver Apoyî dewam kena.
Reyna ame vatene ke, dişmênê şaro Kurd wazenê îradeye şaro Kurd bişiknê.
La Rayver Apo seba azadîya şaran verva pergela desthilatdaran tekoşîn dano.
Bi no sebeb dewleta tirk tecrîdêko giran ro ci ser ferz kerdo.
Çalakî bi slogan û bi vengdayîşî seba azadîya Rayver Apoyî qedîyay.