5’Ê NÎSANA 2015’INE PÊDÎYIŞO PEYÊN YÊ ÎMARALÎ
VERVA ŞARÊ KURDÎ ÊRÎŞ Û POLÎTÎKAYÊ QIRKERDIŞÎ, DEFÎYAY DEWREYE
Di peynîya şerrê Şoreşgerî yê şarî de, dewlete neçar mende ke, peynîya serra 2012’ine, bi Rayver Apoyî reyde dest bi pêdîyişan bikero.
Destpêka serra 2013’ine de zî Rayver Apoy seba çareserîyêka aştîyaneye, kewt mîyanê hewldanan.
Newroza 2013’ine ya Amede de, nameya Rayver Apoyî ya derheqê çareserî û aştîye de mîlyonan rê amî wendene.
210313-amed-newroz-miting-kitle-pankart-poster-total-cakim-genel-detay-dis
Hem qada Newroze ya Amede û hem zî teberî de, no vengdano tarîxî, bi coşêko pîl ame verwazîkerdene.
Perrêke de nêy hewldanêy erjîyayey êy Rayver Apoyî est bîy,perro bîn de zî dewlete fek plananê xo êy qilêrinan ra fek vera nêdanêne.
Awankerdişê qereqol û qalaqolan Vakûrê Kurdistanî de nîşaneyê êy planan bi.
Şaro Kurd zî di cayanêy ke nêy qereqol û qaleqolîy ameyê viraştene de lingan sero bi.
Bi eşkerabîyişê plananê dewleta tirke yê bi êrîşê DAÎŞ’î yê verva Kobanê, şarê Kurdî serre wedart.
Maberê 4 û 9’ê Citmenga 2014’ine, Vakûrê Kurdistanî de serrewedartişêko pîl pêk ame.
Îşgalkerîya dewleta tirke di peynîya heman aşme de kombîyişê MGK ro dar vist.
Ney kombîyişê tewir dergî yê tarîxê komare 10 seetîy dewam kerd.
Di ney kokmbîyişî de plana têkberdiş û çokdayişî amî hedrekerdene.
Perrêke de na plana qilêrine û perrêke de zî hewldananê Rayver Apoyî êy seba vernîgirotişê ro êrîşanê qirkerdişî, dewam kerdê
28’ê Sibata 2015’ine di çarçoveya nêy hewldanan de Dolmabahçeye de mutabaqatêke ame eşkerakerdene.
Perrêkê ney mutabaqatî Erdoganî seba vistişê dewreye ya plana çokdayişî, mutabaqat red kerd.
Badê eşkerakerdişê mutabaqatî 5’ê Nîsane heteta Îmralîyî pêdîyişo peyên bi Rayver Apoyî reyde pêk ard.
Rayver Apoyî di pêdîyişî de nêy vatîy.
Beno ke no pêdîyişo peyn bo û ma dorêka bîne yewbîynîy nêvînê.
Ze ke Rayve Apoyî vatbi, no pêdîyişo peyên yê heyeta Îmralî bi.
Badê ney pêdîyişî êrîş û polîtîkayê qirkerdişî, êy plana çokdayişî kewetî merîyete.
Bi seyan buro û rayvistinê HDP bîy hedefa êrîşan.
Edene, Mersîn û Amede de, verva awanî û mîtînganê HDP êrîşêy bombeyî pêk amey.
HDP di weçînayişê 7’ê Hezîrana 2015’ine de serkewtişêko tarîxî bi dest vist û AKP nêşika bi serreyê xo hikumatêke awan bikero.
24’ê Temûza heman serre de bi des teyareyan verva Heremanê Pawiteyan êy Medya bombevaranî dest pê kerd.
Tebaxa 2015’ine de bi resnayişê Xorayirberîyê Xoseran Vakûrê Kurdistanî de, serdemêkê neweyî dest pê kerd.
Na pêvajo û xoverdêrîya tarîxî heta Hezîrana 2016’ine Nisêbîn, Sûr, Cizîr, Şirnexe û xeylê cayan de dewam kerd.
Bi na xoverdêrîye derrbêka girane ro lana çokdayişî amî dayene.
Na derrba girane bî sebeb ke dewleta tirke di mîyanê xo de bipeleşîyo.
Bi hezaran esker û payeberzîy amey girotiş.
Bi seyan esker û fermandarêy înana amey kiştene.
Di asta orgeneralîye de tasfîyey pêk amey.
Tesîrê na xoverdêrîye ewro zî bi serkewtinê Garê dewam keno û her roce no peleşîyayişo xomîyanî yê dewleta tirke qasênê zêdîyeno.
