Hefteyê Qehremanîye…..
Ewro serragêrayîya şehadetê fermandarê efsanewî, Mahsum Korkmaz bi nameyo naskerde Egîdî yo.
Nika dosyayêk derheqê tekoşîne û kesayetê Egîdî sero yeno ekranê şima ser.
MAHSÛM KORKMAZ – EGÎD
RAYWANÎYA FERMANDARÊ EFSANEWÎYÎ
Mahsûm Korkmaz, bi nameyo naskerde Egîd.
Serra 1956’ine dewa Gulazer ya qezaya Farqîne ya Amede de ame dinya.
Farqîne de pîl bi.
Hema domantîya xo de, bi bêtersîye û cesaretê xo, ame naskerdene.
Waya êy di persê xo yê “gama ke ti pîl bîy ti wazenê bibê çi”, cevabê:
“Ez do biba fermandarêko pîl” gêna.
Mahsum di 7 serrîye xo de, seba ke o û waya xo verê mektebe de bi Kurdî qisey kenê, waya ey mamosteyê dewleta îşgalkere ra derrb wena.
Mahsum waya xo ra vano:” çirê to zî nêda ro ey nêda? Gama ke ez pîl bîya, ez do zî ey ro da.”
Egîdî hema ey wextî ra, soza hesabpersayîşî îşgalkeran ra dabi.
Serra 1970’ine de, Mahsum bi malbata xo reyde şinê Batmanî û wêra bi ca benê.
Serra 1977’ine de Mazlum Dogan, ke seba xurtkerdişê tekoşîna Apoyî Batmanî de yo, nas kerd.
Mahsum Korkmaz, heman serre tewrê têgêrayîşê Apoyî beno.
Payîza na serre de, Rayver Apo zî şino Batman û kombîyîşeke ro dar fîneno.
Di kombîyîşî de, Mahsum û Mazlum zî hedre yê.
Mahsum Batmane de xeylê çalakîyan ro dar fîneno, heqê karkeran paweno.
Şarê Batmane Mahsûmî zey “çakuçî” bi name keno.
Dewleta tirke ya îşgalkere, malbata êy sero zextê giranan pêk ana.
Serra 1980’ine de birayê êy, Seyfeddîn û dime ra zî waya êy Meryem, verva zilmê dewlete peynîye ro cuwîyeye xo anê.
Pîye êy, Şêxmuz Korkmazî zî, hetê fermandarîya artêşa îşgalkere ra, Sêrte de yeno qetilkerdene.
Darbeya cuntaya 12’ê Îlone ra dima, bi komêke kadroyanê PKK’yî reyde, Mahsum Korkmaz zî verê xo dano qada Rojhilatê Mîyanênî.
Temamkerdişê perwerdeyîye ra dime, ageyreno Kurdistan.
Wextokê ageyreno Kurdistan, êdî fermandar o û nameye Egîd o.
Mahsum Korkmaz, bi nameyo naskerde Egîd.
Fermandarîya Hemleya Tarîxî ya 15’ê Tebaxa 1984’ine, keno.
Kanûna serra 1985’ine de, seba ke tewrê Kongreya 3’ine ya PKK’yî bibo,bi komêke gerîllayan reyde, Gabare ra verê xo dano Cûdî.
La seba ke, rayberê înan şehîd beno, mecbur manenê ke abigeyrê Gabare.
Roja 28’ê Adara serra 1986’ine wextoke reyna verê xo dano Cûdî, dekewno defika hêzanê artêşa tirke ya îşgalkere û şehîd beno.
Rayver Apo, seba ney ewladê şarê Kurdî û fermandarê efsanewî,wina vano:
“Rayheval û heval Egîd. Gere merdim êy nas bikero.
Heval Êgîd şêrîn bi. Heval Êgîd hogir bi. Heval Êdîg merdimêko fedakar bi.
Gere merdim her tim êy bi vîr bîyaro û gere çime merdimî her tim ro êy bigeyrê.”
