Girseya gel cenazeyê şehîd ji nexweşxaneya Dêrikê wergirtin û bi kerwanek wesayîtan, ber bi Goristana Şehîd Xebat ve ketin rê.
Piştî girse gihîşt goristanê merasîma leşkerî hat lidar xistin.
Piştî merasîmê endamê rêveberiya Hêzên Ewlekariya Hundirîn a Dêrikê Eymen Îbrahîm axivî û sersaxî ji malbatên şehîdan re xwest..
Hevserokê Meclisa Navçeya Dêrikê Sahib Osman jî diyar kir ku xwîna ciwanên gelên herêmê li eniyên parastina ewlehiya vî welatî têkilî hev bûne.
Li ser navê malbata şehîd, apê şehîd Samî Erûr axivî û destnîşan kir ku şoreşa Rojava edalet ji tevahiya pêkhateyên herêmên Bakur û Rojhilatê Sûriyê re pêk anî.
Piştî axaftinan, Meclisa Malbatên Şehîdan belgeyên nasnameya şehîd xwendin û radestî malbatê kirin.
Pişt re jî cenazeyê şehîd di nav tiliyên dayîkan û bi dirûşmên dilsoziya bi şehîdan re spartin axê.
