16 Gulanî 1997″ine de Hewlêre de komkiştişêke pêk ame.
Artêşa Dewleta Tirke, 14’ê Gulanî de verva Gerîllayanê PKK Başûrê Kurdistanî de têgêrayîşêke da dest pêkerdiş.
Dewleta Tirk seba ke hêzanê Başûrê Kurdistanî tewrê têgêrayîşî bikero, kewt mîyanî hewldanan.
Vernîya têgêrayîşî de, rayirberanê YNK û PDK eşkera kerd ke,do verva gerîllayan destek nêdê dewleta Tirke.
Bi taybetî zî rayirberîya PDK, bi fermandaranê PKK’yî reyde pêdîyişîy viraştîy û eşkera kerd ke, ma verva Gerîllayan şer nêkenê.
La belê çend rocîy badi, vecîya orte ke PDK, wayir sozê xo nîya û çerx kerd.
Bajarê Hewlêre de Nêweşxaneya Heyva Sor ya Kurdistanî de gerîllayê PKK yê birîndarî ameyêne derman-kerdiş.
Rayirberîya PKK û PDK, seba ney nêweşxaneyî û tay navendanê bînan, têreyde peymêke mohr kerdebî.
16’ê Aşma Gulane,hêzanê PDK bi paştîdayişê dewleta tirke, dormeyê Nêweşxaneyê Heyva Sore ya Kurdistanî yê Hewlêre girewt.
Nêweşxaneyî de bi desan gerîllayê birîndarî û şaro sîvîl ameyêne derman-kerdiş.
Hêzanê PDK, bi awayêko hemwext eşt Navenda Yewîtîya Demokratîke, Nevanda Çanda Mezopotamya, Komeleya Yewîtîya Cenîyanê Azadan û Navenda Rojnameya Welatî zî ser.
Hêzanê PDK waşt, Gerîllayanê dirbetinan û kesêy bînan êsir bigîrê.
Gerîllayan êsîr girewtiş qebûl nêkerd û hêzanê PDK, bi çekêy giranan 83 kesêy dirbetin, qetil kerdîy.
Zafê înan êy ke amey qetilkerişî Gerîllayê PKK û 20 ci ra zî rojnamewanîy bîy.
Êrişî de 18 gerîllayê PKK’yî zî êsîr amey girewtiş û dime ra amey qetilkerdiş.
Nezdiyê 100 kesîy zî amey girotiş û dime ra zî amey vîndîkerdene.
Komkiştişê Hewlêre ser ra 24 serîy derbaz bîy, la hetan nika derheqê qetilkeran de cipersayiş nîyame akerdene.
Û cayê mezelanê qurbanîyan kam cayî de yo nîno zanayene.
Na komkiştena PDK ya vera gazî û sivîlan, bî sebebê hêrsêkê girdî.
Kurdistanijîy her 16″ê Gulane, serragêrayîya na roca bêbextî û îxanetî de, verva PDK hêrsê xo anê ziwan û komkiştişî zê Enfalê PDK bi name kenê.
Wazene cayê cenazeyanê şehîdan, bero eşkera kerdene.
Reyna PDK ra wazenê, peyniyê ro xizmetkarîya xo ya dişmenanê kurdan biyaro û hesabê komkiştişê Hewlêre û êy bînan, bido.
