Nêrazîbîyişê verva heqeretanê ke PDK êy derheqê, Hemsereka Konseya Rayirbere ya KCK Besê Hozate de zêdîyenê.
Vervatoxa Kongreya Stare Remziya Mihemede derheqê na babete yew eşkerayîye da û vat;
“Eşkerayîya PDKî ya derheqê cenîyanê têkoşeran yê kurdan, şerm a.”Koodînasyona KJKî ra pey, Kongreya Starî zî derheqê heqaretê PDK yê verva Cînyê Têkoşeran de eşkerayîyêke da.
Kongreya Starî eşkerayîya xo de ard ziwan ke ganî her cenîyê Kurdistanî verva nê zîhnîyetê qilerînî ke de bêrê têhet û vengê xo berz bikerê.
Vervatoxa Kongreya Starî Remzîya Mihemede derheqê na babete de qale kerd û vat:
“PDKî eşkerayîya xo yê peyêne de heqeretê cenîyanê kurdan kerd.
Cenîyanê kurdan, bi serran verva zîhnîyetê serdestî yê camêrdan têkoşîne kerda.
Ma nê eşkerayîya PDKî ya qilerîne qet qebul nêkenê
No seba PDKî şermêk o.”
Remzîya Mihemede wina dewam kerd.
Gere cenîyê Kurdistanî verva nê heqeretkerdişan de bêrê têhet, heqanê xo bipawê û têkoşîna xo heta peynî bidomnê.
Remzîya Mihemede seba sewkîyata PDKî de zî qale kerd û va:
“PDK wazena bi nê sewkîyatan, PKKî Cayê Pawitişê Medya ra biveja û waştişê dewleta Tirke bîyara ca. No waştişê dewleta Tirke yo. Ê wazenê beynateyê Kurdan de şer bivejê. HPG hem verva DAÎŞÎ û hem zî verva dewleta Tirke, têkoşîne kerda û ê her çar parçeyê Kurdistanî de heqê Kurdan pawenê.”
Remzîya Mihemede qalkerdişê xo de ard ziwan ke cenîyê kurdan, beynateyê kurdan de şer nêwazenê û aye heme cenîyê Kurdistanî verva polîtîkayanê qilerînî, dawetê têhetameyîşî kerd..
