Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Pervîn Buldan: Soylu bi derew û îftirayan dixwaze sûcên xwe veşêre 23.02.2021

 

HEVSEROKA HDP’Ê PERVÎN BULDAN:
ERDOGAN Û AKP HEWL DIDIN TÊKÇÛNA XWE YA GARÊ VEŞÊRIN

Hevseroka Giştî ya HDP’ê di civîna koma partiya xwe de li ser berxwedana Garê, êrişên desthilatdariya Tirk û mijarên rojevê peyamên girîng dan.

Pervîn Buldan di serî de roja zimanê dayikê ya cîhanê 21’ê sibatê pîroz kir, zext û asîmîlasyona li ser Kurdî destnîşan kir û got: Emê li dijî yekperestî, pir zimanî, pir çandî û pir rengî biparêzin.

HEVSEROKA HDP’Ê PERVÎN BULDAN:
WEKÎ DUH Û ÎRO, EM Ê SIBE JÎ JI AKP Û ERDOGAN HESABÊ BIPIRSIN

Pervîn Buldan ji mirina 13 kesên li Garê jî, desthilatdariya AKP û şîrikên wê berpirsyar girtin û got: Ji bo têkçûn û sûcê xwe veşêrin, êrişê HDP’ê dikin. Lê berpirsyarê mirina wan mirovan AKP ye. Emê wekî doh û îro, sibe jî, ji wan hesabê bipirsin.

Pervîn Buldan hewldanên girtina HDP’ê jî, wekî parçeyeke veşartina têkçûna Garê nirxand û got: Wekî koroyek berê xwe dane me. Hebûna xwe di dijminahiya Kurdan û tinekirina HDP’ê de dibînin. Lê wê têkoşîna me, van hewldanên wan jî bê encam bihêle.

HEVSEROKA HDP’Ê PERVÎN BULDAN:
SOYLU BI DEREW Û ÎFTIRAYAN DIXWAZE SÛCÊN XWE VEŞÊRE

Pervîn Buldan bi bîr xist ku Suleyman Soylu bi derew û îftirayan dixwaze têkçûn û sûcên xwe veşêre û got: Soylu rabûye wêneyên Qendîlê belav dike. Ev wêne dema em bi erêkirina hukumetê çûn wir hatin kişandin. Serokê te Erdogan jî, bi meraqeke mezin li benda vegera me ya ji Qendîlê bû.

Pervîn Buldan diyar kir ku gelek tiştên bên gotin hene û got: Helbet dema roja wê were, emê wan sozên hukumetê wê çaxê dan me eşkere bikin.

HEVSEROKA HDP’Ê PERVÎN BULDAN
GARÊ ENCAMA HILWEŞANDINA MASEYA DOLMABAHÇEYÊ YE

Hevseroka HDP’ê Pervîn Buldan bi bîr xist ku Rêber Apo gotibû eger firsed bidin, wê di hefteyekê de pirsgirêka Kurd çareser bike û got: Yên maseya çareseriyê hilweşand Erdogan bû. Yê ku tecrîd kûr kir ku dîsa ew bi xwe ye. Garê encama hilweşandina maseya Dolmabahçeye.

Pervîn Buldan li dijî êriş, girtin, binçavkirin û zextan jî biryardariya HDP’ê anî ziman û got: Çi dikin bila bikin, wê nikaribin pêşiya têkoşîna me ya mafdar bigirin.

Ev jî hatin dîtin

Meclîsa gel a Binarê Qendîlê 2. Kongreya xwe li darxist 26.02.2021

Stêrk Tv

Li Rojhilatê Sûrî êrişa balafirên amerikî 26.02.2021

Stêrk Tv

Celal Başlangiç: Xelaskirina rehîneyan an jî xwe jê xelas kirin! 26.02.2021

Stêrk Tv

Ahmet Aktaş: AKP-MHP, dibe ku çi bikin! 26.02.2021

Stêrk Tv

Xwediyên Facebookê li gorî dilê dewleta tirk hesabên kurdan digrin 25.02.2021

Stêrk Tv

Serencama çekên qedexe yên artêşa tirk 25.02.2021

Stêrk Tv
× Me agahdar bikin!