Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Xoverderîya Gerîllayanê Azadîye – Dosya 02.05.2021

 

Êrîşanê îşgalkerîye êy dewleta tirke êy verva Heremanê Metîna, Zap û Avaşîne 23’ê Nîsane dest pê kerd.

Di roca 10’ine de êrîşîy dewam kenê û dewleta tirke di nêy êrîşan de gêrîllayanê azadîye ra derrbêy giranan wena.

Gêrîllayanê Azadîya Kurdistanî verva îşgalkeran 25’ê Nîsane Hemleyê Şoreşgerî êy “Bazanê Zagrosan û Cenga Xabûre” day destpêkerdene.

Bi nêy hemleyanê Şoreşgerî, 9 rocêy derbasbîyeyan de verva îşgalkeran 110 çalakîy amey rodarvistene.

Bi goreyê eşkerayîyanê HPG di nêy çalakîyanê gêrîllayan, 9 rocêy derbasbîyeyan de êy tespîtkerdey 158 îşgalkerîy amey kiştene û bi seyan zî dirbetin bîy.

La kişte û dirbetinê dewleta tirke na hûmar zaf, zafêrî yê.

Reyna di nêy 9 rocan de 9 helîkopterîy amey derrbkerdene.

Dewleta îşgalkere baregehanê xo êy Vaşûrî de nêweşxaneyê seyyarî awan kerdîy û nêweşxaneyê Gevera Colemêrge zî sivîlan rê ame padayene.

Gêrîllayê HPG û YJA Stare çalakîyanê xo bejayî û hewayî ra pêk anê.

Hêzanê Hewayîyan êy Şehîd Delal Amede zî di nêy 9 rocêy ravêrteyan de verva îşgalkeran 11 çalakîyê esmanî ro dar vistîy.

Di nêy çalakîyan ke dîmenêy zafinan amey vilakerdişî de hedefîy bi awayêko serkewte amey îmhakerdene.

Reyna bi goreyê eşkerayîyanê HPG di nêy 9 rocan de 4 gêrîllay şehîd bîyê.

Hedefa dewleta tirke di wextêko kilm de qadêka bi qasê 100 km çargoşe îşgalkerdişê Vaşûrê Kurdistanî bi.

La di 9 rocanê êrîşî de bi heme hêza teknîkî ya NATO tenê şika bi awayêko demkî 8 km yî aver bikewo û verva xoverdêrîya Lejwananê Azadîye asê mende û derrbêy zaf giranîy werdîy.

Êdî eşkerayo ke artêşa dewleta tirke ya îşgalkere verva Gêrîllayanê Azadîye têkşîyişêko pîl werdo û çapemnîya propogandaya zûran zî behsê êrîşî nêkena û bêveng a.
çalakîyê piştgiriyê ên gel…..

Xoverdêrîya tarîxî ya Gêrîllayanê Azadîye badê Serkewtinê Garê di xoverdêrîya nêy 9 rocan de zî çar perçeyanê Kurdistanî de vengêko pîl dayo û paştîdayişê seba gêrîllayanê azadîye di raya pêroyî û Kurdistan de roc bi roce zêdîyena.

Fermandarîya Qerargeha Navenda Hêzanê Pawitişê Şarî bi eşkerayîyêke vat bi.

Di ney şerrê verva îşgalkerîye de mexsedê ma xopawitiş nê bi temamî têkberdişê dişmenî yo.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv