WESAÎTA LEŞKERÎ ZAROKEK KUŞT
WESAÎTA FERMANDARÊ ARTÊŞA DAGIRKER EYUP KIRTAY Ê 10 SALÎ PERÇIQAND
Bûyera ku bêhtir dişibe cînayetê, li Taxa Sanayî ya navçeya Xelat a Bedlîsê rû da.
Wesaîta eskerî ya ku fermandarê baskê 3’yan a Artêşa Tirk a Erziromê jî têde bû, bi ser zarokê bi navê Eyub Kirtay ê de ajot.
Di encama vê bûyerê de Eyup Kirtay ê 10 salî ku sêvên ji darê ketibûn kom dikirin, jiyana xwe ji dest da.
Tê ragihandin ku apê Eyup Kirtay, ji bo wesayîtê bide sekinandin xwest pêşiya wesaîtê bigre.
Wî xwe gihand erebê û xwe pê ve jî danî, lê belê wesaît dîsa jî nesekinî û ew heta Fermandariya Cendirmeyan a Xelatê bi xwe kaş kir.