Nêrazîbîyişê verva êrîşanê işgalkerîye êy dewleta ttirke zêdîyenê.
Endamê Rayirberîya Hîzba Şîû Cewher Şikûrî êrîşê dewleta tirke şermezar kerdîy û nêy vatîy.
Gere Îraq verva îşgalkerîya dewleta tirke ya verva Vaşûrî vengê xo berz bikero.
Vaşûrê Kurdistanî beşêke axa Îraqî yo la nê Îraq xo wayir Kurdistanê Vaşûrî vîneno û nê zî Kurdîy di mîyanê xo de yewbîye yê.
Xemsarîyêka pîle est a.
Rayirberîya Vaşûrê Kurdistanî bi sebebê tay menfîetan, çimêy xo heme çîyan rê girotê.
Zê nimûneyî êrîşanê dewleta tirke rê.
Helwesta PDK vernîya yewîtîya Kurdan de zî bîya astenge.
Gere gamêke raver Kongreya Netewî bêro awankerdene û seba çarenûsa çar perçeyan kar û xebatan bikero.
NÊRAZÎBÎYIŞÊ VERVA ÎŞGALKERÎYA DEWLETA TIRKE
ŞARÊ QENDÎLE: SEBEBÊ NÊY ZILMÎ, PÊKNÊARDIŞÊ YEWÎTÎYE YO
Welatijanê Dola Baleyan ya Vaşûrê Kurdistanî zî êrîşê dewleta tirke şermezar kerdîy verva êrîşan vegdanê tifaqî ro şarê Kurdî kerd.
Meclîsa Şarî ya Bînarê Qendîle dewa Westane ya Dola Baleyan werdê fetare da.
Di werdê fetare de Mela Xêredîn Hesenî nameyê dewican sero qisey kerd û nêy vatîy.
Dewleta tirke dorêka bîne dest bi êrîşanê verva Şarê Kurdî kerdo.
Homa vano şaro ke bi êrîşî reyde ribiri bimano, heqê ey yê xopawitişî est o.
Gere di çarçovaya nêy emrê Homayî de, seba ke axe û welatê ma nêro îşgalkerdene, ma xo bipawê.
Endamê Meclîsa Şarî yê Bînarê Qendîle Hecî Osmanî zî nêy vatîy;
Verva şarê Kurdî zilim dewam keno.
Sebebanê ney zilmî zî yew zî pêknîyardişê yewîtîye yo yê ma yo.
Hewceyo ke ma verva êrîşanê îşgalkerîye yewîtîya xo pêk bîyarê û şerr bikerê.
Ma zanenê ke dişmenê ma ney perçebîyişê ma ra cesaret geno.
