ALMANYA RÊ NEDA ÎNÎSIYATÎFA PARASTINA KURDISTANÊ
PARLEMENTER GOKAY AKBULUT EV BÛYERA SOSRET JI HUKÛMETÊ PIRSÎ
Almanyayê, parlementera partiya çep a Hambûrgê Cansû Ozdemîr jî di navê de çûyîna 17 kesan a Başûrê Kurdistanê, asteng kiribû.
Hem di çapemenî û hem jî di siyaseta Alman de nîqaşên li ser vê destwerdana hukûmeta Almanya didomin.
Parlementera Partiya Çep Gokay Akbullut ji hukûmeta federal a alman pirsî, ka çima çûna heyetê hatiye astengkirin.
Di pêşniyarpirsê de valakirina 22 gundan, şewitandin û talankirina bi hezaran hektar daristanên Başûrê Kurdistanê ji aliyê dewleta Tirk ve jî hatin bibîrxistin.
Gokay Akbulut ev pirs kir:
Gelo hukûmeta federal derheqê van kirinan de çi difikire?
Tê payîn heta 23’yê Hezîranê hukûmet bersivê bide pêşniyarpirsê.
ALMANYAYÊ RÊ NEDA ÎNÎSIYATÎFA PARASTINA KURDISTANÊ
ULLA JELPKE: BI VÊ SOSRETÊ ALMANYA DIBE HEVKARA SÛCÊ TIRKIYEYÊ
Berdevka Polîtîkayê ya Koma Partiya Çep a Meclîsa Federal Ulla Yelpkî jî astengkirina çûyîna heyetê weke sosret bi nav kir.
Yelpkî wiha got:
Ev li dijî kar û xebatên mafê mirovan darbeyek e.
Ev biryareke siyasî ye û krîmînalîzekirina delegasyona aştiyê ye.
Hukûmeta Federal a Almanya bi vî rengî careke din dibe hevkara sûcê Tirkiyê.
Piştgiriyê dide dagirkerî û êrişa li dijî Başûrê Kurdistanê.
Divê ev bûyer tavilê were çareserkirin û saziyên dewleta Alman dawî li alîkariya ji bo Erdogan bînin.