Êrîşê verva Heremanêy Pawiteyan êy Medya newey nîyê.
Serra 2015’ine ra na heta û xisûsî zî badê weçînayişanê 23’ê Hezîrane bi têkşîyişê îqtîdarê Erdoganî reyde, bi awayêdo bi giran dewam kenê.
Mexsed, hêdî hêdî Vaşûrê Kurdistanî îşgalkerdiş û oca bicabîyiş o.
Nêy êrîşîy 2015’î ra na heta bi erêkerdişê Emrîka, Îngilîstan û Fransa yenê domnayene.
Êrîşo peyên di serragêrayîya Qirxûnê Ermenan de ame destpêkerdene.
No bixo nîyet û mexsedê înan eşkera keno û peyamêka zelal a.
Vanê ma çi ard serreyê Ermanan ma do heman çîy bîyarê serreyê şima zî.
Sozdar Avesta qiseykerdişê xo wina domna.
Verîya ke êrîş dest pê bikero Erdoganî bi Bîdenî reyde qisey kerd.
Reyna Wezîrê Karanê Teberî yê Tirkîya bi Mesrûr Barzanî reyde pêdîyişêke pêk ard.
Nêçîrvan Barzanî çend pêdîyişê mîyanetewî pêk ardîy.
SOZDAR AVESTA:
“DEWLETA TIRKE WAZENA KURDÊ AZADÎ ORTE RA WEDARO”
Ma baş zanenê ke no konseptê êrîşî, konseptêko rêze ra nîyo, êrîşê verva îradeyê şarê Kurdî yo..
Mexsed orte ra wedartişê kurdê azadî, ke bi tekoşîna Rayver Apoyî ameyo xuliqnayene û bicardişê xeyalanê Osmanîtîya newîye yo.
Wazenê bi nêy êrîşan destkewteyanê 40 serran çinê bikerê.
La bi vindertiş û xoverdêrîya gêrîllayî,do di nêy mexsedê xo de bi ser nêkewê û do bikewê rewşêka Garê xirabêrî.
Sozdar Avesta derheqê helwesta Şarê Vaşûrî û PDK ser û nêy ardîy ziwan.
Ger şarê mayê Vaşûrî bertekanê xo nîşan bido.
Heke dewleta tirke îtîya xo bica bikero do hemeyê Vaşûrî îşgal bikero.
PDK û hêzê sîyasî êy Vaşûrî teberê ney konseptî de nîyê.
Bi awayêko fîllî mîyanê operasîyonî de nêbê zî verva êrîşan çimanê xo padanê.
La gere baş bizanê, heke gêrîlla bêro tasfîyekerdene gama didiyine ya dewleta tirke, Selaheddîn û Hewlêr ê.
