Nêrazîbîyişê verva êrîşanê îşgalkerîye û provakasîyonê PDK êy seba şerrêkê xomîyanî yê Kurdan, dewam kenê.
Sîyasetmedar û parlamenteran PDK heşîyar kerde ke do şerrêko xomîyanî zirarêko pîl bido Şarê Kurdî.
NÊRAZÎBÎYIŞÊ VERVA ÎŞGALKERÎ Û PROVAKASÎYONANÊ PDK
XERÎB HISO: ŞERRÊ XOMÎYANÎ ÊRÎŞANÊ DEWLETA TIRKE TALÛKEYÎRÊYÎ YO
Nêrazîbîyiş û bertekê verva êrîşanê îşgalî êy dewleta tirek û provakasîyonanê PDK zêdîyenê.
Hemserokê TEV-DEM’e Xerîb Hisoyî, nêy vatîy.
Ma zê Têgêrayişê Civatê Demokratîkî rewşe nizdî ra şopnenê.
Rewşêka zaf xirabe û talûkîye est a.
Şerrêko xomîyanî yo maberê hêzanê Kurdan, êrîşanê dewleta tirek xirabêrî û talûkeyêrî yo.
Xerîb Hisoyî veng ro heme partî, rayvistin û şarê Vaşûrî kerd ke ro PDK zextan bikerê.
PDK zî gere di kişta dişmenî de nê, di kişta şarê xo de bo.
EMÎNDARÊ PÊROYÎ YÊ YEKGURTÎYA ÎSLAMÎ SELAHEDÎN MIHEMED BEHADÎN:
“GERE HER KES AQILÊ XO BIGERO SERREYÊ XO Û NÊBO SEBEBÊ ŞERRÊKÊ XOMÎYANΔ
Emîndarê Pêroî yê Yekgirtûya Îslamî Selahedîn Mihemed Behadînî zî vat;
Jîhatîbîyiş gefwendiş û êrîş nê, çareserîye pêkardiş û vernîye ro şerrî girewtiş o.
Gere herkes aqilê xo bigero serreyê xo û nêbo sebebê şerrêkê xomîyanî yê kurdan.
SEROKÊ ZANÎNGEHA KOYE PRF.DR.WELÎ MEHMÛD:
“GERE VATIŞÊ MURAT KARAYILANÎ BÊRÊ GOŞDARÎ-KERDNE”
Serokê Zanîngeha Koye Prf. Dr. Welî Mehmûdî zî hewldan û provakasîyonê şerrêkê xomîyanî şermezar kerdîy û vat;
Gere roşinvîrîy bikewê mîyanê hewldananê çareseerîye.
Vatiş û propogandaya,”sebebê êrîşanê dewleta tirek PKK yo”, hewldanê xapênayişî yê.
Mexsedê dewleta tirke çinêkerdişê statûya Vaşûrî û têkberdişê destkewteyanê Şarê Kurdî yo.
Prf. Dr. Welî Mehmûdî vatişê Mûrat Karayilanî vistîy vîrî û vat;
Gere herkes goş bido vatişanê Mûrat Karayilanî.
Gere heme roşinvîr, hunermend û sazîyê sivîlîym verva provakasîyonanê PDK vengê xo berz bikerê. .
PARLAMENTERÊ FRAKSÎYONA YEKGURTÛ EBOBEKIR HELEDNÎ:
“GERE PARLAMENTO ÊRÎŞANÊ ÎŞGALKERÎYE ŞERMEZAR BIKERO”
Parlamenterê Fraksîyona Yekgurtû Ebobekir Helednî zî vat;
Cayê çareserkerdişê persgirayan parlamento ya û gere parlamentoya Kurdistanî êrîşanê îşgalkerîye şermezar bikero.
Nêbeno ke parlamentoya Kurdistanî seba kombîyişêkê verva îşgalkerîye, pawoka erêkerdişê tirkîya bo.
Gere parlamento, Hikumatê Hereme, Îraq û Neteweyê Yewbîyey vernîya ro destdergîyanê tirkîya bigerê.
PARLAMENTERÊ PARLAMENA ÎRAQÎ:
“BÊVENGÎYA HIKUMATÊ ÎRAQÎ NÎŞANEY HEMKARÎYA BI TIRKÎYA REYDE YA”
Parlamenterê Hembendîya El Fetîh ya Parlamentoya Îraqî Mihemed El Beldawî êrîşê dewleta tirke şermezarî kerdîy û vat; Bêvengiya Bexda nîşaneyê hemkariya bi Enqera reyde ya.
El Beldawîyî vat; Estbîyişê PKK’yî şikeno îşgalkerîye bivindarno û verva destdergîyanê tirkîya bivindero.
Parlamenterê biloka El Sasîqûn Fazil El Fetlawî zî vat, êrîşê dewleta tirke binlinkerdişê serwerîya Îraqî yê.
Tirkîya hewl dana ke serwerîya xo ro Îraqî ferz bikero û xeyalanê Osmanîtîye gîyan bikero.
Na rewşêka zafêrî talûkîye ya û gere hikumatê Îraqî di ferqê naye de bo.
