LI QOSERÊ BÛYERA TECAWIZÊ
DADGEHÊ TECAWIZKAR OSMAN ÇUR SERBEST BERDA
Zaroka 17’e salî Z.Ç di Tîrmeha sala 2020’an de, ji Swîsre ji bo betlanê diçe navçeya Mêrdîn Qoserê.
Li Qoserê apê Z.Ç Osman Çur destdirêjî lê dike. Li ser gilîkirina zarokê Osman Çur hatibû girtin.
Doh runiştina doza Osman Çur li 5. Dadgeha Cezayê Giran a Mêrdînê hat dîtin.
Dozger di danişînê de xwest ku di çarçoveyê delîlan de cezayê herî giran li Osmanê tecawizkar bê birîn û girtina wî dewam bike.
Lê şandeya dadgehê bi hinceta ku “gumana bireve tuneye” derbarê bersûc Osman de biryara berdanê da.
Parêzerên Z.Ç. wê biryara dadgehê îtîraz bikin û daxwaz bikin ku Osman Çur cardin bê girtin.
Parêzerên Z.Ç. diyar kirin ku pêvajoya hiqûqî dewam dike gotin: Delîlên di dosyayê de, ji bo girtina Osaman Çur besin.
Xwişka Z.Ç. Pervîn Şîşman, derbarê mijarê de, ji Ajansa Mezopotamya re axivî.
Pervîn Şîşman dibêje, biryara ku dadgehê derbarê bersûc de da şaş e û got:
Xwişka min piştî bûyerê, du caran xwest xwe bikuje. Piştî berdana Osman Çur xwişka min cara 3. hewl da xwe bikuje. Me xwişka min rakir nexweşxanê û rewşa wê ya derunî xirabe. Ma dixwazin ku xwişka min bimire?
Pervîn Şîşman, xwest Osman Çur girtî bê darizandina û cezayê heq dike li wî bê birîn.