Awanker û Endamê Komîteya Navenda PKK’yî Mehmet Karasungur û Îbrahîm Bîlgîn,2’yê Gulane 1983’ine de,hetê YNK ra Vaşûrê Kurdistanî de amey şehîd kerdiş.
Mehmet Karasungur, tekoşîna Azadîya Kurdistanî de zey mamoste ameynî şinasnayiş.
Mehmet Karasungur, serra 1947’ine de Dewa Darebîya Qezaya Gêxî ya Çewlîge de ame dinya.
Dibistanê seratayî dewa xo de û dibistanê mîyanêne û Liseyê zî zereyê Çewlîge de wendîy.
Dime ra şi Zaningeha Erzirome de beşa Matematîkî .
Serra 1972″ine de Mereşe de dest bi mamosteyîye kerd.
Bado zî seba ke şoreşgerîye kerde,surgunê Colemerge oca ra zî Surgunê Qezaya Şebînkarahîsare ya Gîresune ame kerdene.
Mehket Karasungurî, hem mamosteyî kerdên û hemzî koma şoreşgerî rayire ra berdêne.
Awankerdişê TOB-DERe ya Çewlîge de zey reyirberêk rolêko sereke kaye kerd.
Mehmet Karasungurî koma Apocîyanê Çewlîge rayire ra berdêne.
1976’ine de ame tepiştiş û raştê îşkenceyanê giranan ame.
6 aşmî zîndan de mend.
Bado ke zîndan ra serbest veradeya,karê mamosteyî ca verda û dest bi şoreşgerîye kerd.
Bi şehîdkewtişê Halîl Çavgunî,Karasungur derbazê Hîlvan û Sîvereke bi.
Verkêşî û rayirberîya Xoverderîya Hîlvan û Sîvereke kerde.
Derbeyê 12’ê Îlone ya Kenan Evrenî ra dima,Karasungur welat ra vecîya.
1982’ine de derbasê Vaşûrê Kurdistanî bi.
Vaşûrê Kurdistanî de tekoşîna hereketê azadîye rê verkêşîye kerde.
Mehmet Karasungur,bi nameyo naskerde Hoce, seba heme partîy û rayvistinanê Kurda,zey merdimêkê kamilî ameyêne şinasnayene.
Şoreşger û tekoşerêko welatpawêr yê şarê Kurdistanî bi.
Mehmet Karasungur û Îbrahîm Bîlgîn bi guleyê xayinan 2’ê Gulane 1983’ine de şehîd kewtîy.
2’ê Gulane tarîxê Kurdan û hereketê azadîya Kurdistanî de, ripelêko tarî yo.
