Gerra Heyeta KCD û DBP ya bi şîarê “Ma verva faşîzmî xo birayvistin kenê”, di roca 8’ine de ya.
Heyete vizêrî Adana de bi esnafan reyde pêdîyişîy pêk amey.
Berdan Ozturk,Salîha Aydenîz û Keskîn Bayindir bi esnafanê Odeya Kabzimalan reyde amey pêhete.
Parlamenterê HDP yê Riha Omer Oclan zî di heyete de bi.
Hemseroka HDP Salîha Aydenîze di kombîyişê bi esnafan reyde qisey kerd û nêy ardîy ziwan.
Tirkîya de qirîz û qeyranêko pîl yê aborîye est o.
Sebabê ney krîzî zî polîtîkayê şerrî êy verva Şarê Kurdî yê.
Gere ma têreyde verva nêy polîtîkayanê şerrî bivinderê
Aydenîze vatiş ard tecrîdê verva Îmralî ser û wina dewam kerd.
Tecrîdê Îmralî ro hemyê welatî ameyo vilakerdene.
Di binkeya persgirayan de nêy polîtîkayê tecrîdî est ê.
Heke tecrîdê ro ser Birê Ocalanî bêro bi peynîkerdene do tirkîya di heme wareyan de nefes bigero.
Hemserokê KCD Berdan Ozturkî zî nêy vatîy.
Îqtîdar seba ke dizdî û talanê xo bilûmno êrîşê kurdan keno.
Bedêlê nêy êrîşan û polîtîkayanê şerrî zî heme welatîyê tirkîya danê.
Çareserî verva nêy polîtîkayan vindertişî de ya.
Heke di tirkîya de persgiraya Kurde bêro çareserkerdiş do xeylê persgirayê tirkîya çareser bibê.
Gere heme raya pêroyî ya tirkîya zî di na mijare de verpersîyarîyanê xo bi ca bîyaro.
Di kombîyişîde esnafan zî rewşa xo arde ziwan û vat;
Krîz tesîrêko pîl ro ma keno û ti omûdêkê ma yê bi ney îqtîdarî nêmendo.
