Endamê Konseya Rayirbere ya KCKyî Sabrî Ok, bernameyê Rojewa Welate ya Telvîzyona ma Stêrke rê qisey kerd.
Sabrî Okî bale ante rewşa peyîne ya Îmralî ser û vat;
Dewleta Tirke bi awayêko plankerde û bihesab derheqê Rayver Apopyî de xeberan vila kena.
Verva ney xebaran,hem Şarêma û hemzî Têgeyrayişa azadîya Kurdistanî ya şarêma nêrazîyê pîlî nawitîy.
Dewlete bêçare mende û Îmralî ra heqê telefon akerdişî bi Rayver Apoyî da akerdene.
Rayver Apoyî mesajê ke kilm û bi kîmet da.
Dewlete zî baş zanene,ke Rayver Apo,semedê ma û semedê şarê ma xeta sure yo.
Endamê Konseya Rayirbere ya KCK Sabrî Okî derheqê tekoşîn û xoverderîya Rayver Apoyî ya Îmralî de ney ardîy ziwan:
Rayver Apo bi 23 serîyo Girava Îmralî de xo ver dano..
Dewleta Tirke xoverderîya Rayver Apoyî ya Îmralî ra tersena.
Tecrîd û Îzolasyonê Îmralî raştîya xoverderîye îspat kenê.
Sazîya Vernîgirewtişî ro îşkenceyan CPT û Konseya Ewropa zî,seba bipeynîkerdişê tecrîd û îşkenceyê Îmralî vengro Dewleta Tirke kerd. Dewlete Tirke verva Îmralî şerêko taybet dana.
Sabrî Okî bale ante rojdema sereke ya şarê Kurdî û têgeyrayişê azadîya Şarê Kurdîstanî ser û vat:
Rojdema ma ya sereke azadîya rayver Apoyî ya. Şar ma tepiştişê Rayver Apoyî verva xo zey zilmêko pîl vîneno.
Xeta sereke ya tekoşîne û xoverderîya Têgeyrayişa ma ya azadîya şarê Kurdistanî,azadîya Rayver Apoyî ya.
Endamê konseya Rayirbere ya KCK Sabrî Okî bale ante doza padayişê HDP ser û vat;
Partîya HDP verva Pergala faşîste ya AKP-MHP,tekoşîne dana.
Pergala Faşîste ya AKP-MHP bi no sebeb ra êrişê HDP kena.
Eger partîyê bînî ke xo zey mixalefetî vînenê,zey HDP tekoşîna bikerdên,nika rewna AKP rijyaybî.
AKP hewldano emrê Îkdarê xo derg bikero.
La êdî wextê rijnayişê AKP ameyo.
