Endamê Konsey Rayirbere ya KCK yî Sabrî Okî bi Hemleya 1’ê Hezîrane dest bi qiseykerdişê xo kerd û nêy vatîy.
Hemleya 1’ê Hezîrane ya 2004’ine di tarîxê tekoşîna ma xe cayêko muhîm gena.
Ez di serre de, heme şehîdanêy ke verkêşîya na hemleye kerde, bi rêzdarî bi vîr ana.
Bi komploya mîyanetewî, verva hereketê ma konseptêkê êrîşan yê pêroyî dest pê kerd.
Heme hêzanê mîyanetewî û hereme waştê, serrewedartişê 29’ine yê bi verkêşîya Rayver Apoyî, tasfîye bikerê.
Hemleya 1’ê Hezîrane, bi şîarê “Kes nêşikeno Rocê Ma Tarî bikero”, tekoşîna topyekûne ya verva ney konseptî bî.
Bi na hemeleye, di wareyanê eskerî û sîyasî de, pêvajoyêka newîye ya tekoşîne amî destpêkerdene.
ENDAMÊ KONSEYA RAYIRBERE YA KCK’YÎ SABRÎ OK:
“DEWLETA TIRKE ESTBÎYIŞÊ XO ÇINÊKERDIŞÊ ŞARÊ KURDÎ SERO AWAN KERDO”
Sabrî Okî, vatiş ard êrîşanê îşgalkerîye êy verva Vaşûrî ser û wina dewam kerd.
Tekoşîne û xoverdêrîya ke ewro hetê şarê ma ra yena avervistişî, rihê xo hemleye 1’ê Hezîrane ra gena.
Dewleta tirke estbîyişê xo, çinêkerdişê şarê Kurdî sero awan kerdo.
Bi no sebeb di her cayî de êrîş kena û seba linganseromendişê xo “Plana Çokdayişî”, domnena.
Di êrîşanê verva Vaşûrî de, her ca bêserûber yeno bombevarankerdene. Sivîlîy yenê kiştene, dewîy yenê vengkerdene.
No seba statû û ameyîya Şarê Vaşûrî talûkeyêko pîl o.
ENDAMÊ KONSEYA RAYIRBERE YA KCK’YÎ SABRÎ OK:
“HIKUMATÊ HEWLÊRE BÊVENGÎYA XO REYDE, VERVA BERTEKANÊ ŞARÎ DE ZÎ ASTENG O”
Sabrî Okî derheqê helwesta hikumat û şarê Vaşûrî de zî nêy vatîy.
Hewce kerdêke hikumatê Vaşûrî naye bivîno û verva nêy êrîşan, bertekan nîşan bido.
Nika ma vînenê ke nêrazîbîyiş nîşandayiş di cayê xo de, vernîya nêrazîbîyişanê şarê Vaşûrî de zî benê asteng.
Şarê Vaşûrî ke wazeno verva îşgalkeran çalakîya mertalê zindîyan ro dar bifîno, hetê Asayişê PDK ra yeno astengkerdene.
No çi feraset o û çi yî rê xizmet keno?
Bi goreyê heme hiqûqan verva îşgalkerîye vindertiş, heqêko rewa û meşrû yo.
ENDAMÊ KONSEYA RAYIRBERE YA KCK’YÎ SABRÎ OK:
“GERE HIKUMAT Û ŞARÊ VAŞÛRÎ BI PKK’YÎ SERRBERZÎY BÊ”
Vaşûrê Kurdistanî 24 seetîy yeno bombevaran-kerdene.
PKK bi rihêko fedayî verva îşgalkerîye şerr keno.
Gere hikumat û Şarê Vaşûrî bi naye serrberzîy bê.
Heke PKK nêbo, tu ameyîyêka şarê Kurdî çîn ya.
Dewleta tirke 50 serrîy o, Qibris de ya û verva heme bertekanê dinya, oca ra nêvecîyena.
Heke PKK nêbo se, do Vaşûrî de zî naye bikero.
Verva na îşgalkerîye helwesta şarê ma muhîm a la bese nîya.
Gere şarê vaşûrî bi heme partîyê sîyasî,sazî, dezge hunermend, roşinvîr û medîyaya xo verva na îşgalkerîye serre wedaro.
