Êrîşê îşgalkerîye êy dewleta tirke êy verva Heremanê Pawiteyan êy Medya dewam kenê.
Roşinvîr, sîyasetmedar û akademîsyenîy verva hemkarîya PDK ya bi dewleta tirke reyde bihêrs ê.
Endamê Kongreya Netewî ya Kurdistanî Ferhad Resûlî, helewesta PDK rexne kerde û nêy vatîy.
Nîyetê dewleta tirke verva Kurdan, pêkardişê Qirxûnê Ermenan o.
Êrîşê verva Vaşûrî bi no mexsed yenê kerdene.
Bi no sebeb gere Şaro Krud heşîyar bo.
Gere gamêke raver heme partî û hêzê sîyasî û eskerî bêrê pêhete û verva na îşgalkerîye bivinderê.
Seba naye zî sîwana KNK kêrameyî ya.
Perwerdekaranê Zanîngeha Koye zî nêrazîbîyiş nîşanê êrîşanê îşgalkerîye da.
Dîrozkzan Dr, Kameran Celalî nêy vatîy
Di binkeya nêy êrîşan de ferasetê îşgalkerîye est o.
Dewleta tirke di her fersendî de bi no feraset êrîşê dewletanê cîranan kena.
Mudaxeleyê Qerebaxe yê maberê Ermenîstan û Azerbeycanî kerd.
Têgêrayişê Sûrîya û Lîbya ver çimande yê.
Dewleta tirke wazena xeyalanê Osmanîtîya newîye pêk bîyaro.
Dr. Hawjîn Silêwe zî nêy ardîy ziwan.
Rayirberîya Hewlêre tu îradeyêke nîşan nêdana û her hêze sîlahanê xo êy neweyan Vaşûrê Kurdistanî de verva Kurdan cerebnena.
Tay hêzêy kurdan zî seba ke estbîyişê xo bidomnê pere û petrol danê dişmenan.
Na rewşe mîyanê şarî de bena sebebê bêçarreyî û ciwanê kurdan koçê welatê bînna kenê.
Seba bipeynîkerdişê na rewşe gere ma di serre de yewîtîya netewî pêk bîyarê.
Bi yew veng û yew vîrî vecîyê vernîya civatê mîyanetewî.
Tenê bi yewîtîye ma şikenê verava îşgalkeran bivinderê.
Nûştox Erdelan Ebdûllahî zî nê vatîy;
Êrîşê dewleta tirke seba statûya Vaşûrê Talûkeyêko pîl ê.
Dewleta tirke wazena Rojavayî û Vaşûrê Kurdistanî îşgal bikero û têkoşîna azadîye ya şarê kurdî orte ra wedaro.
Erdelanî hikumatê Herema Kurdistanî zî rexne kerd û vat;
Nê hikumatê hereme û nê zî yê Îraqî helwestêka cîddî nîşan nêdanê.
