Endama Koordînasyona KJK Rewşen Mêrdîne, di bernameya taybet ya televîzyona ma de, mijaranê rojdeme sero qisey kerd.
Mijara ke Rewşen Mêrdîne bi awayoke verhîra îşgalkerîya dewleta tirke ya verva Vaşurê Kurdistanî sero vindert.
Rewşene destnîşan kerd ke, têgêrayîşê îşgalkerîye ey dewleta tirke, bi komploya mîyannetewî reyde girêdaye yo û ney vatîy:
“Bi girotişê Rayvertîye reyde waştîy kurdan qir bikerê la bi sernêkewtê û na dore dest bi têgêrayîşanê îşgalkerîye kerdîy.
Çek û teknîkey ke di qadanê bînan de nêamey bikarardene, gerîllayan sero ceribnenê. ”
ENDAMA KOORDÎNASYONA KJK’YE REWŞEN MÊRDÎN:
“GERÎLLAYANÊ AZADÎYE ZAP, AVAŞÎN Û METÎNA DE DESTANE NUŞTÎY”
Derheqê xoverderîya gerîllayanê azadîye ya verva îşgalkerîye de zî Rewşen Mêrdîne ney vatîy:
Gerîllayanê azadîye Zap, Metîna û Avaşînî de destan nusenê.
Rûmet û destkewteyanê şarê Kurdî pawenê û tarîxêko newîye nusenê.
No şerr, şerroke normal nîyo.
Tewir zaf zî gerîllayanê YJA-Star’e çalakîy pêk arenê.
Naye zaf muhîm o çimkê artêşa tirke di vernî de dişmenê cinîyan a.
ENDAMA KOORDÎNASYONA KJK’YE REWŞEN MÊRDÎN:
“DEWLETA TIRKE WAZENA BI DESTEGÊ PDK,HEREMA TAMPONE AWAN BIKERA”
Rewşen Mêrdîn derheqê helwesta hêzê vaşurê Kurdistanî de vat;
“Ne hikumeta heremî û ne zî partîyanê sîyasî talukeye nêveynenê.
Ey ke veynenê zî seba menfîatanê xo, vengê xo nêvecenê.”
Di na mijare de Rewşen Mêrdîn behsa cîvînêke ke PDK zî tewir bi, kerd û vat:
Dewleta tirke wazena hereme de tampon awan bikera.
Plan û qerarê dewleta tirke de, 30-40 kîlometre erdê Vaşurî sero awankerdişê herema tampone yo.
Mexsedê înan mintaqaya gerîlla bikerê binê kontrolê xo.
La ma bi plan û qerarê dewleta tirke zana û bi goreye naye hedreyîyê xo kerd.
Dewleta tirke raştê xoverderîya gerîllayan amey.
Rewşen Merdîne ard ziwan ke, dewleta tirke waşt demografîya hereme bidê virnayene û vat;
Dewleta tirke dewanê vaşurê Kurdistanî de çeteyanê xo dana bica kerdene.
Beno ke siba zî keyeyê çeteyan bica bikerê.
Na hetera talukeyî dewam kena.
Heke partîyê sîyasî verva naye nêrazîbîyîş nênawine se, do şar nêşike nêrazîbîyîş nîşan bido.
ENDAMA KOORDÎNASYONA KJK’YE REWŞEN MÊRDÎN:
“XEYLÊ CIWANÎY VAŞÛRÎ BI DESTÊ MÎT’Ê TIRKE YENÊ BIRAYVISTIN-KERDENE”
Endama Koordînasyona KJK Reşwen Mêrdîne di peynî de zî da zanayene ke, ciwanîy vaşurî bi destê MÎT’ê tirk yenê birayvistinkerdene û vat:
“MÎT hewl danê ciwanê vaşurî çand û tarîxê kurdan ra dur bifînê.
Gere civata ma na yew biveynê û qabûl mekerê.
Partîyanê sîyasî ke venê ma çand, ziwan û tarîxê kurdan pawenê, gere verva hewldanê MÎT’î vero zî bivecîye.
Gere şarê ma verva îşgalkerîye, kişta xoverderîye de ca bigerê.”
