RÊVEBERIYA XWESER A ŞENGALÊ:
DIVÊ ÊDÎ HERKES LI HEMBERÎ POLÎTÎKAYÊN PDK’Ê HELWEST NÎŞAN BIDE
Rêveberiya Xweser a Şengalê têkildarî êrişên dagirkeriya Tirk daxuyaniyek da.
Di daxuyaniyê de kiryarên dewleta Tik yek bi yek hatin bi bîrxistin û wiha hat gotin:
Dewleta Tirk ji bo qirkirina Kurdan serî li her rê û rêbazê dide.
Êrişî nexweşxaneyan dike, li dijî gerîla û gelê me gazên bi jehr û kîmyewî bi kar tîne.
Bajarên me bombe dike, çiya û xwezaya Kurdistanê talan dike..
Rêveberiya Xweseriya a Şengalê îşaret bi hevkariya PDK’ê ya bi dewleta Tirk re jî kir û ev pirs kirin.
Gelo çima PDK ser sûcên dewleta Tirk digire û êrişî gerîlayên parastina Kurdistanê dike ?
PDK di berdela çi de ewqas ji dewleta Tirk re dibe alîkar ?
Ji bo çi li ser Şengalê şerekî bi sîxur, fesadî û bêbextiyê dike û êrişên dijminan rewa dibîne ?
Rêbeveriya xweser a Şengalê da zanîn tu hêz nikare li hemberî berxwedana gelan rawestê û ev bang kir.
Me berê jî got û em niha jî dibêjin, em çiqas berdêlên giran jî bidin, em rê nadin ku dijmin bigihîjin armancê xwe.
Em bang li hemû Kurdên welatparêz, pêşmergeyên xwedan wijdan, partî, rewşenbîr, jin û ciwanan dikin:
Li hemberî van kiryarên PDK’ê xwedî helwest bin û rê lê bigrin
Ji polîtîkayên PDK’ê re bêjin ‘Êdî bes e’
Divê destûr neyê dayîn, PDK axa Kurdistanê teslîmê dagîrkeran bike..