Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Raperîn Mûnzûre derheqê tecrîd û sîyasetê şerrî û provokasyonanê PDK de qisey kerd 27.12.2020

 

Endama Koordînasîyona PAJK’e Raperîn Mûnzûre, derheqê tecrîd,sîyasetê şerrî û provakasîyonanê PDK de ANF rê qisey kerd.

Raperîn Mûnzûre vat; PDK, di serre de lojîstîk û îstîxbarat bi her awayî hetkarîye dana dewleta tirke.

ENDAMA KOORDÎNASÎYONA PAJK’E RAPERÎN MÛNZÛRE:
“PDK, DI SERRE DE LOJÎSTÎK Û ÎSTÎXBARAT, BI HER AWAYÎ HETKARÎYE DANA DEWLETA TIRKE”

Endama Koordînasîyona PAJK’e Raperîn Mûnzûre, derheqê hemkarî û hetkarîya PDK ya dewleta tirke de, ANF rê qisey kerd.

Raperîn Mûnzûre destpêke de, paştîdayişê hemelye yê Şarê Kurdî, cînîyan û dostan û çalakîya grevê veyşanîye ya giroteyanê zîndanan, silam kerdîy û nêy vatîy;

Hereket û şarê ma, di bin êrîşanê faşîzmî û polîtîkayanê îmha de, serra newîye verwazî keno.

Na serre de, do şarê ma bi ser bikero û faşîzm, têk şêro.

Xora faşîzmê AKP-MHP zî, naye vîneno û coka êrîşanê xo roc bi roce zêdneno.

Nêy êrîşî zî, her roce gamêke zî înan nizdê çinêbîyişî, kenê.

ENDAMA KOORDÎNASÎYONA PAJK’E RAPERÎN MÛNZÛRE:
“SEBA CUWÎYEYÊKÊ AZAD Û DEMOKRATÎKÎ, GERE RAYVER APO AZAD BIBO”

Raperîn Mûnzûre wina dewam kerd.

“Yeno dîyiş, heta ke Rayvertîya ma di bin tecrîdî de bo, do pergala îmha, înkar û şerrê taybetî, reyna qirkerdişê cînîyan, dewam bikero. Bi no sebeb, Rayver Apo verva ney sîyasetî, yewîn şansê şarê Kurdî, şaranê Tirkîya û Rocehlatê Mîyanênî yo. Heke cuwîyeyêko azada û demokratîk yeno waştişî, gere miheqeq Rayver Apo azad bibo”.

ENDAMA KOORDÎNASÎYONA PAJK’E RAPERÎN MÛNZÛRE:
“ÊRÎŞKERDIŞÊ PKK’YÎ, ZÊ GUREYÊKE VERNÎYA PDK DE AMEYO RONAYIŞ”

Raperîn Mûnzûre vatiş ard polîtîkayanê şerrî êy PDK ser û nêy vatîy.

PDK, verva hereketê ma, şerr dayo destpêkerdene û wazena estbîyişê Hereketê ma yê Vaşûrê Kurdistanî, bi peynî bikero.

PDK bi nêy sîyasetê xo, vernîye ro îşgalkerîya dewleta tirke akena.

Hedefa dişmenanê Kurdan, Kurdistan û Rochelato Mîyanên de, bi temamî çinêkerdişê PKK’yî û vernîyegirotişê ro azadîya Şarê Kurdî ya.

Na planêka NATO ya û zê gureyêke, vernîya PDK de ameya ronayiş.

Raperîn Mûnzûre vat;

Heke heta nika şerrêke maberê PKK û PDK de nêqewemîyayo se zî, no bi sebebê sebrrê PKK yî yo.

La gere kes xo vîrî ra nêkero, sînorêkê sebrrî zî, est o.

Gere PDK, nêy sebir û nizdbîyişê ma yê bi ferasetê verpersîyare, zê zeîfîye nêvîno.

ENDAMA KOORDÎNASÎYONA PAJK’E RAPERÎN MÛNZÛRE:
“ŞERRÊKÊ MABERÊ PKK Û PDK, ŞERRÊ BIRAKUJÎYE NÊ ŞERRÊ XETA AZADÎ Û ÎXANETÎ YO”

Raperîn Mûnzûre vatiş ard, çekûya “Birakujîye” ser û wina vat.

Heke maberê PKK û PDK de şerrêke biqewemîyo, na birakujîye nê, şerrê xeta azadî û îxanetî yo.

PDK, bi polîtîkaya xo ya ewroyine, temsîlkarîya xeta îxanetî kena.

Gere şarê Vaşûrî, verva nêy sîyasetê hemkarî û îxanetî, vengê xo berz bikero.

Gere pêşmergeyê birûmetî verva ney îxanetî, helwesta xo nîşan bidê.

Raperîn Mûnzûre vatişê xo wina bi peynî kerdîy.

Tu persgirayêka PKK yî, bi tu hêzêka kurde reyde çîn yo.

Verapeyê naye PKK yî, heta nika hetkarîye daya her êrîşêkê verva Şarê Kurdî.

Îtîya ra dime zî, do di na xeta xo ya seba azadîya heme Şarê Kurdî û Kurdistanî de, bi îsrare bo.

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv