Komîteya Têkilîyanê Teberî ya PKK’yî, derheqê êrîşanê îşgalî êy dewleta tirke de eşkerayîyêke bi raya pêroyî reyde barre kerde.
Eşkerayîya Komîteye wina ya.
Êrîşê îşgalî êy dewleta tirke êy verva Gêrîllayanê Azadîye, şar û axa Kurdistanî dewam kenê.
Mexsedê nêy êrîşan di şexsê Gêrîllayanê Azadîya Kurdistanî de, çinêkerdişê şar, kamî, çand, yewîtî û xozaya Kurdistanî yo.
Gêrîllayê Azadîye bi rihêko fedayî verva îşgalkeran, şerrê pawitişê erjan û rûmetê şarê Kurdî danê.
Îşgalkerêy ke verva xoverdêrîya Gêrîllayanê Azadîye, asê mendê û têk şîyê 5’ê Hezîrane êrîşê Kampa Mexmûre ke di bin ewleyîya Neteweyê Yewbîyeyan û Îraqî de ya kerd.
Ma ney êrîşî bi tundî şermezar kenê û vanê;
Her çende êrîş hetê dewleta tirke ra ameyo kerdiş zî, Hikumatê Îraqî û Neteweyê Yewbîyey, Emrîka û Hikumatê Hereme zî bi bêvengîya xo ,ney êrîşî ra verpersîyar ê.
Bê erêkerdişê nêy hêzan pêkan nîyo ke dewleta tirke êrîşêkê winayinî pêk bîyaro.
Ma vengdanê ro verpersîyarîyanê xo wayirvecîyayişî, ro nêy hêzan kenê.
KOMÎTEYA TÊKILÎYANÊ TEBERÎ YA PKK’YÎ;
PDK WAZENA VERNÎYE RO TÊKŞÎYIŞÊ DEWLETA TIRKE BIGERO
Komîteye di eşekrayîya xo de bale ante provakasîyonanê PDK, êy verva Gêrîllayan ser û wina dewam kerd.
5’ê Hezîrane hêzanê Zêrewan êy PDK, waşt bikewê heremanê gêrîllayan.
Propogandaya PDK ya ke, gêrîllayan êrîşê nêy hêzan kerdo, bi temamî zûr ê.
No provakasîyon bi destê dewleta tirke û PDK ame plankerdiş û waşt bi propogandaya zûran,bikerê milê PKK yî.
PDK wazena bi na propoganda vernîye ro têkşîyişê dewleta tirke bigero û êrîşanê îşgalî meşrû bikero.
Bi no sebeb zî bi ziwan û propogandaya şerrê taybetî yê dewleta tirke, qisey kena.
Rixmo ke HPG’yî bi doran eşkera kerd ke; “Tu eleqeyêkê ma bi ney provakasîyonî çîn yo zî”, PDK û çapemenîya xo propogandaya zûran û şerrê taybetî domnenê.
Ma na heleweste, şermezar kenê.
Hêzêy ke, nêşikenê verva îşgalkeran îradeyêke nîşan bidê, êrîşê Gêrîlayanê Azadîye ke rûmet û erjanê Şarê Kurdî pawenê, kenê.
Statûya Kurdistanî û awankerdişê cuwîyeyêkê azad û demokratîkî, bi bêvengmendişê verva îşgalkerîye nê, bi destekdayişê hêzanêy ke verva naye xo ver danê, pêkan o.
Gere Parlamentoya Vaşûrê Kurdistanî verpersîyarîya xo bi ca bîyaro û vengdanê vervecîyayişê na îşgalkerîye, ro heme şar û partîyanê Vaşûrî bikero.
Gere PDK, hêzanê xo Metîna û Berbizina ra bianco.
Eşkerayî wina bi peynî bena.
Gêrîllayê Azadîye, verva îşgalkerîye şerrê azadî û rûmetî danê.
Ma vengdanê, di kişta gêrîllayî de tewerbîyiş û berzkerdişê na tekoşîna rûmetî û têkberdişê îşgalkeran, ro heme şarê xo kenê
