Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

PKK heta nika heme êsîrîy bi goreye norman teslîm kerdîy 18.02.2021

 

Dewleta tirke kampa esîran ya Garê bombevaran kerd û esker û polîsê xo ey esîrî qetilkerd.

Medya û îqtîdarê AKP-MHP yo faşîste zî PKK sûcdar kerd.

La pratîkê 40 serran ê PKKyî mojneno ke dewleta tirke zûr kena.

PKK nê 40 serran de goreyê Konvansiyonê Cenevre, peyman û heqanê merdiman esîran rê têgêra û esîrî tim teslîm kerdî.

PKK TIM BI GOREYE HIQUQA ŞERRÎ TÊGEYRA
PKK HETA NIKA HEME ÊSÎRÎY BI GOREYE NORMAN TESLÎM KERDÎY

Gerîlayanê PKK 90an ra nata bi desan polîs û leşkerî esîr girewtî.

1990-2012î de 110 çalakîyan de 67 polîs, 32 qoricî û 145 karmendê dewlete esîr girewtî û dima nê kesî vera dayî.

Nêzdîbîyayîşê dewleta tirke zî tim cîya bi.

PKK ti dire nêşibîya dişmênê xo.

Ma biwanê tarîxî ra…

Çalakîya verêne ya esîrgirewtişî 10ê Citmenga 1992’ine de ameye kerdene.

Gerîlayan rayîrê Wan-Tetwanî de payeberzêk, eskerêk û îmamêk esîr girewtî û dimara keyeyanê xo rê teslîm kerdê.

20ê tebaxa 1993’ine Batmanî de 13 eskerî kontrolê rayîrî de ameye esîrgirewtiş û dima weş û waş teslîmê keyeyanê bîy.

Di şerrî Kanûna 1994’ine Colemêrg de esker Ibrahîm Yayli sey birîndar ame esîrgirewtene.

Gerîlayan tedawîya Ibrahîm Yayli kerde û dima heyetê wekîlanê Partîya Refahî û rayvistinanê heqanê merdiman rê êy teslîm kerd

Temmuza 1996’ine de gerîlayan qezaya Şemzînanî ya Colemêrgî de eşt qereqolêkî ser û 8 eskerî esîr girewtê.

hpg-gerilla-aliser-yucel-halis-esir-asker-teslim-etme-toren-genel-detay

Eskeran kampa Zelê de, bi kombîyîşeke çapemenîye, heyetê ÎHD û MAZLUM-DERî rê ameye teslîmkerdene.

18ê temmuza 2005î de esker Coşkun Kirandi Erzîngan de tepişîya û 4ê tebaxa 2005î de Dêrsim de teslîmê heyetêkê sivîlî ame kerdene.

Heyet de Temsîlkarê ÎHDyî Nîhdî Perînçek, Serekê ÎHDyî yê ê çaxî yê Amedî Selahattîn Demîrtaş, hunermend Ferhat Tunç û rojnamegerî estbî.

Gerîlayan 9ê Citmenga ya 2005î de rayîrê şirnex-Mîdyadî de polîs Hakan Açil esîr girewt.

Açil 110 rojan ra dima 27ê çeleyê 2006î de Zaxo de heyetêkê bi 8 kesan û babîyê ci rê ame teslîmkerdene.

Şerrê Oremar yo giranî ya 2007’ine ra dima, 8 esker ameye esrigirewtiş.

Leşkerî warê Çemkoyî yê Zapî de heyeta DTP , Wezîrê Karanê Zereyî yê Herêma Kurdîstanî Haci Mahmut Osman, Serekê Toleransê Mîyanneteweyî Kerîm Sîncarî rê ameyî teslîmkerdene.

Esker wexto ke sîy zî gerîllayan hembêz kerdîy.

No bi sebeb ke eskeran tepişîyayî û derheqê endamanê heyetî de zî dewa ameye akerdene.

Gerîlayan 10’ê Îlona 2011’ine Licê ya Amedî de çawişê pisporî Abdullah Sopçeler,

Zîhnî Koç

û teknîsyenê weşîye Aytekîn Turhan esîr kerdî.

Nê kesan Roj TVyî rê qisey kerd û waşt ke wa rêxistinê heqanê merdiman înan teslîm bigêrê.

Dewleta tirke zî sey Garê, warê gerîlayan bi giranî dayî bombayan ver û operasyonî kerdî.

Dewleta tirke xîret kerd ke leşkeranê xo îmha bikera û PKK sûcdar bikera.

La gerîlayan esîrî heyetêkî rê teslîm kerdî.

Rayberê Şarê Kurdî Abdullah Ocalanî “prosesê çareserîye” serra 2013 de vengdanê veradayîşê esîran kerdbi.

Gerîlayan cade 8 leşker û polîsî heyeta BDP, ÎHD û MAZLUM-DERî rê teslîm kerdî.

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv