Pêşmergeyê Dêrîn Celal Abdullah got; “Xistina tevgerê ya hêzê ji aliyê PDK’ê ve ti şiroveyek wê nine, ev cehşayetî û nokertî kirina ji bo dewleta Tirk a faşîste.”
Nerazîbûnên li dijî dagirkeriya dewleta Tirk a dagirker û nêzîkatiyên PDK’ê yên ku hewil dide gerîla dorpêç bike, zêde dibe. Pêşmergeyê Dêrîn Celal Abdullah li ser mijarê ji Rojnews’ê re axivî.
Celal Abdullah got; “Dîrok tiştên ku malbata Barzanî û dewleta Tirk dikin tomar dike. Xistina tevgerê ya hêzê ji aliyê PDK’ê ve ti şiroveyek wê nine, ev cehşayetî û nokertîkirina ji bo dewleta Tirk a faşîste.”
Celal diyarkir ew li dijî hemû dagirkeriyeke û wiha domand; “Di dema xwe de min li dijî rejima Baas çek rakir, ger ez niha ciwan bûyam minê niha jî li dijî dagirkeriya Tirk çek rakiriba û şer kiriba.”
Celal Abdullah destnîşankir ku ew li dijî wan aliyên ku hêsankarî û hevkariya dewleta Tirk dikin û got, ev tişta ku binemala Barzanî ji bo Tirkiyeyê dike di dîrokê de tê nivîsandin.
Di dawiyê de jî Pêşmergeyê Dêrîn Celal Abdullah got; “Çawan ku berê cehş hebûn, niha jî PDK bi heman awayî li pêşiya artêşa Tirk a dagirker dikeve û cehşayetiyê jêre dike.”