Seba cigêrayişê derheqê êrîşanê îşgalkerîye êy dewleta tirke êy verva Vaşûrî û vindarnayişê şerrêkê xomîyanî yo maberê hêzanê Kurdan 14 welatanê Ewropa ra Sîyasetmedarê Kurdîy zî mîyan de heyetêke, şî hewlêre.
Koma ke Swîsre ra şîbî balafirxaneya Hewlêre de hetê hêzanê PDK ra amî tebersînorî kerdene.
Heyeta Swêde zî amî astengkerdene û balefirxaneye de yena vindarnayene.
Plansazîya heyete de cigêrayişê derheqê êrîşanê dewleta tirke êy verva hereme û pêdîyişê bi Nêçîrvan Barzanî reyde est bi.
Hêzanê PDK heyete ra vat;
Êy di ney serdemî de destûr nêdanê tu heyetêka bîyanî ke derheqê êrîşanê dewleta tirke de cigêrayişan bikero.
Perro bîn de beşêke endamê heyete,hema hewlêre de yê
Heyeta ke 70 kesîy ra pêk yena di otêlêke de bin çiman de yena girotene û destûr nêdeyeno ke karê xo bikerê.
Helwesta PDK ya verva Heyeta Aştîye di mîyanê şarê Kurdî de raştê nêrazîbîyiş û şermezarkerdişan ame.
Wezîrê Edaletî yê verênî yê hikumatê Vaşûrî Farûq Cemîlî, endamê heyete otêle de zîyaret kerdîy.
‘Girtin û binçavkirina şandeyên navnetewî wê bandorek nerênî bi xwere bîne’
Çalakvanê Heqanê Merdiman Qadir Nadîrî derheqê astengkerdiş û binçimkerdişê endamanê heyete de Rojnewse rê qisey kerd.
Nadîrî vat; binçimkerdişê endamanê heyete do di qada mîyanetewî de bibo sebebê encamê nêbaşan û tesîrêko xirab ro Herema Kurdistanî bikero.
Xora di mijaranê heqanê merdiman de, tarîxêko derg û qilêrin yê PDK est o.
Bi no sebeb 30 serrîy o, di qada mîyanetewî de raporêko erênî derheqê Rayirberîya Vaşûrî de nêvecîyayo.
PDK seba ke zerrîya dewleta tirke weş bikero, dost û hetkaranê şarê Kurdî binçim kena û dor bi dore zî remnena.
Na zî di qada mîyanetewî de bena sebebê nêrazîbîyişan.
Qadîr Nadirî vat; No çi feraset o, heyetêke ke seba aştîye yena îtîya û yena binçimkerdiş.
Gere heyete bi rêzdarîyêka pîle, biamebêne verwazîkerdene.
La dîyar o, PDK seba ke dewleta tirke kêfweş bikero, şikena heme sosretan pêk bîyaro.
