Tecrîdê verva Rayver Apoyî û giroteyê bînan êy Îmralî roc bi roce yeno girankerdene.
Rayver Apo 22 serrîy o di bin tecrîdî de yo û serra 2011’ine ra pêdîyişê bi pawitoxan û malbate yeno astengkerdene.
Badê 8 serran serra 2019’ine de, bi Rayver Apoyî reyde 5 dorîy, serra 2020’ine de yew ci ra bi telefon 2 dorîy pêdîyişîy virazîyay.
Tewir peynî 25’ê Adara 2021’ine bi Mehmet Ocalanî reyde bi telefon pêdîyiş pêk ame.
Ney pêdîyişî zî 4 deqay û nîme dewam kerd.
Rayver Apoyî di ney pêdîyişî de zî nêrazîbîyişê xo ard ziwan û vat;
Pêdîyişo winayin nêbeno û ez wazena bi pawitoxanê xo reyde qisey bikera.
PAWITOX ERCAN KANAR:
“GERE ÎMARLÎYÎ DE QANÛNÊ MANDELA BÊRÊ BIKARARDENE”
Derheqê pêdîyişê peyênî û pergala tecrîdî de pawitox Ercan Kanarî qisey kerd.
Kanarî vat; Bertekê Birêz Ocalanî êy verva nêy pêdîyişê peyênî bertekêy heqdar û raşt ê.
Na pergala ke wextêko derg o, hetê dewlete ra yena rayirberdişî heme qeyde û standardanê hiqûqê êy mîyanetewîyan binling kena.
Di qanûnan de cîyakerî nêbena û qeydey bi goreyê kesan nêşikenê bêrê bikarardene.
Kanarî qanûnê Mandela vistîy vîrî û wina vat.
Bi goreyê ney qanûnan verva tu kesêke cezaya hucereye ya domdare nêşikena bêro pêkardene û mideyê naye tewir zaf 15 rocîy o.
Pêkerdişê verva Birêz Ocalanî bikarardişê hiqûqê dişmenî yo.
Kam beno wa bibo û sûc çi beno wa bibo, gere kes 15 rocîy ra dorêke bi keyeyê xo reyde pêdîyiş pêk bîyaro.
No bi goreyê qanûnanê Mandela heqêko binkeyîn o.
PAWITOX ERCAN KANAR:
“DEWLETA TIRKE ÊDÎ DEWLETÊKA HIQÛQÎ NÎYA”
Verva Birêz Ocalanî pêkardişêy nîjadperestîy pêk yenê û na zî kerdeneyêka tebermerdimayîye ya.
Na hetê Mehkemaya Heqanê Merdiman ra zî ameya qedexekerdiş û binligkerdişê heqanê merdiman a.
Gere seba Birêz Ocalanî zî qanûnê Mandela bêrê bikarardene.
Kanarî vat;
La dewleta tirke êdî hûqûqê gerdûnî reyde makezagona xo zî binlig kerda û dewletêka hiqûqî nîya.
Gere êdî tecrîd bipeynî û Birêz Ocalan êdî azad bibo.
