Nêrazîbîyişê verva Provakasîyonanê PDK êy şerrêkê xomîyanî dewam kenê.
Parlamenteranê hereme nêrazîbîyiş nîşanê hemkarîya PDK ya bi dewleta tirke reyde nîşan da û vat;
“Şerrêko muhtemel yo maberê hêznê Kurdan do zirar bido heme Şarê Kurdî û destkewteyanê ey.”
Provakasîyonê PDK êy bi hemkarîya dewleta tirke hereme de dewam kenê.
Parlamenteranê Herema Kurdistanî fikar û nêrazîbîyişê xo êy derheqê alozîye de ardîy ziwan.
Parlamenterê YNK yê Parlamentoya Herema Kurdistanî Balambu Mihemed.
Tay hêzêy Kurdistanî di cayo ke menfîetanê netewîyan bipawê kewtê derdê menfîetanê xo êy sîyasî û şexsîyan.
Di şerrêkê muhtemelî de kes bi ser nêkeweno û şerrêko maberê hêzanê Kurdan malwêranîye ya. Gere persgiray bi dîyalog bêrê çareserkerdiş yan nê do şerrî ra heme kurdîy û heme destkweteyê kurdan zirar bivînê. Şerrêko muhtemel do tenê xizmetê dişmenanê şarê Kurdî bikero.
Serokê Koma Azadî Mihêdîn Hesenî zî nêy vatîy.
Gere heme partîyê sîyasî êy Herema Kurdistanî di na mijare de wayir helweste bê û menfîetanê netewî êy şarê kurdî ver çiman de bigerê.
Heke şerrêko xomîyanî dest pê bikero do rewşa Kurdistanî zafêrî aloze bido û statûya Vaşûrê Kurdistanî bikewo xetereyêka pîle.
Mihêdîn Hesenî seva vernîgirotişî lejî, veng seba têgêrayişê cîddîyan kerd.
Sîyasetmedar û Akademîsyen Kamûran Berwarî zî seba çareserkerdişê persgirayan perspektîfê Rayver Ocalanî yo ” Yewîtîya Netewî” nîşan da û vat.
Heme şaro Kurd na rewşe ra aciz û bi fikarîy o. Kurdistan welatêko îşgalkerde yo. Vaşûr de serra 1991’ine ra na heta statûyêka ke qada mîyanetewî de, ameya qebûlkerdişî est a.
Bi goreyê peymanan tu hêzêka eskerî nêşikena bikewo Vaşûrê Kurdistanî. La dewleta tirke nêy peymanan binling kena û bi serran o bejayî û hewayî ra êrîşan pêk ana.
Berwarî vatiş ard vatişanê Mesûd Barzanî ser û nêy vatîy.
Keso ke vatbi “ma şerrê maberê birayan wedarto”, Birêz Barzanî bi. Gere Birêz Barzanî peyamê dîyalogî bidayêne.
La eşkerayîyê ey hetê şarê Kurdî ra zê îlanê şerrî amey hesnayiş. La Rayirê dîyalogî hema bi peynî nêbîyê. Heme şaro Kurd, sîyasetmedar, roşinvîr, akademîsyen, nûştox, reyna beşêko pîl yê PDK û rayiberê eskerî şerr nêwazenê. PKK şerr nêwazeno û tim vengdanê dîyalogî keno.
Kam ke nêy şerrî biwazo û bido destpêkerdiş do xizmetê dewleta tirke bikero. Bi no sebeb gere Birêz Mesûd Barzanî zî, vatişanê xo bivûrno. Gere heme hêzêy kurdîy seba vetişê dewleta tirke Vaşûrî ra bixebetîyê û yewîn hedefa înan na bo.
