Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

NPG: Dewleta Tirk a dagirker ji bo kuştina êsîran êriş kir 14.02.2021

NPG’ê ragihand, ku dewleta Tirk ji bo leşkerên êsîr bikuje ji hewa û bejahî ve êriş kir û got, “Êrişa li ser kampa êsîran bi ti awayî ne ji bo xilaskirina wan bû, lê belê ji bo kuştina wan bû.”

 

Fermandariya Biryargeha Navenda Parastina (NPG) li ser leşkerên esîr daxuyaniyek weşand.

Daxuyaniya NPG’ê wiha ye:

“Operasyona dagirkeriyê ya dewleta Tirk a qirker mêtinger a li ser qada Garê ya Herêmên Parastinê yên Medyayê ku 10’ê Sibatê dest pê kir, sibeha 14’ê Sibatê têk çû û neçar ma xwe vekişînin. Li dijî vê hewldana namerdane ya dijmin ku dixwest bi rengekî mayinde li Garê bi cih bibe, Gerîlayên Azadiyê yên Kurdistanê bi rengekî dîrokî li ber xwe dan û bersiva tund dan.

Li dijî kampa ku êrişa dagirkeriyê lê hate kirin û êsîrên şer ên hêzên ewlekariyê yên Tirk lê bûn, êrişeke bi xwînxwarî hate kirin. Ev kamp sibeha 10’ê Sibatê saet 05:00 destpêkê ji hewayî ve bi rengekî giran hate bombekirin, piştre jî ji bejahî ve bi her cûre teknîka şer êriş lê hate kirin. Hêzên me yên li vê kampê, ji bo xwe û êsîran biparêzin, di bin bombardûmaneke giran de bersiva pêwîst dan dagirkerên dixwestin bikevin kampê û derbên giran li wan dan. Artêşa Tirk a dagirker ku derb xwar û neçar ma bi gavekê xwe vekişîne, tevî ku zanîbû li vê kampê êsîr hebûn, bi balafirên şer careke din bombardûmaneke giran lê kirin. Bombardûmana giran a ku sê rojan dewam kir, şerê giran ê li derve û hundirê kampê, bû sedem ku beşek ji personelên MÎT’ê, leşker û polîsên dîlgirtî jiyana xwe ji dest bidin. Tevî ku mirovekî ji rêzê yên xwedî agahiyên leşkerî jî zane, bi êrişeke bi vî rengî ya li ser kampê kes ji wê derê sax nafilite, êrişa li ser vê kampê bi ti awayî ne ji bo rizgarkirina dîlgirtiyan bû, bi temamî ji bo kuştina wan bû. Yekane berpirsyarê kuştina van mirovan, Hûlûsî Akar e ku biryara vê êrişê da û ti hesta mirovî pê re nîne.

Niha jî ji bo vê êrişa li derveyî mirovahiyê, vê êrişa kirêt û têkçûna xwe ya giran binixumînin, bi endîşe derewan dikin û rastiyê berevajî dikin. Lê belê çi dikin bila bikin wê nikaribin rastiyê binixumînin. Ji aliyê raya giştî ve baş tê zanîn ku heta niha me ti zerar nedan êsîrên di destê xwe de. L igel bombardûmana giran a bi salan li ser Herêmên Parastinê yên Medyayê hate kirin û li gel êrişên giran ên artêşa Tirk a dagirker jî me bi hesasiyeteke mezin êsîrên di destê xwe de parastin. Ev yek jî nîşaneya herî mezin a vê rastiyê ye.

Dema ku êrişa dagirkeriyê dest Pê kir, me daxuyaniyek dan raya giştî û ragihand ku kampa êsîrên di destê me de lê ne bi rengekî giran tê bombekirin û êrişên giran li ser heye. Tevî ku malbatên êsîran bang li dewleta Tirk kir ku dest jiv ê hewldana êrişê ya metirsîdar berde jî, êriş bi israr hate dewamkirin. Lê belê dewleta Tirk a faşîst a ji mirovahiyê bêpar, bêwijdan û kujerê mirovên xwe, rûyê xwe yê rast careke din raxist pêş çavan. Xwediyên zîhniyeta faşîst a li derveyî mirovahiyê, wê li pêşiya dîrokê teqez hesab bide gelên Tirkiyeyê.

Eşkere ye ku êrişa dagirkeriyê ya 10’ê Sibatê dest pê kir û heta 14’ê Sibatê li Garê dewam kir, berxwedana mezin a li dijî vê hate nîşandan encamên girîng bi xwe re aniye. Detayên şerê qewimî û bîlançoya dawî ya ji bo herdu aliyan, di dema nêz de wê bê zelalkirin û ji aliyê me ve bi raya giştî re bê parvekirin.”

Ev jî hatin dîtin

Bîlançoya Pêngava Şoreşgerî ya Bazên Zagrosê û Cenga Xabûrê – 07-09.05.2021

Stêrk Tv

Sîxurên rejîma Sûrî li xwe mukir hatin

Stêrk Tv

Li Efrînê çete tên bicih kirin

Stêrk Tv

Emîne Şenyaşar: Roja edalet pêk bê ji bo min roja dayîkan e

Stêrk Tv

Doza Cemîl Kirbayir bi hinceta demboriyê bi dawî bû

Stêrk Tv

Nameyên ku HDP’ê ji Gergerlioglu re şandin nehatin teslîm kirin

Stêrk Tv
× Me agahdar bikin!