NIVÎSKARÊ MISRÎ FETHÎ MEHMÛD:
DEM HATIYE KU DIYALOGA EREBÎ-KURDÎ DEST PÊ BIKE
Nivîskarê Misrî Fethî Mehmûd îşaret bi guherînên li Rojhilata Navîn, şerê ku li herêmê rû dide kir û got, ev rewş li ser gelên herêmê bi xwe re xetereyan jî tîne.
Mehmûd diyar kir ku bi tifaqa di navbera gelan de ev rewş dikare were beralîkirin û got:
Dema ku em behsa mijara diyaloga Kurdî – Erebî dikin, meqseda me ne diyalogên ku bi dewletekê re sînordar e, weke diyaloga Kurdî – Erebî ya li Sûriyê yan Iraqê.
Lê belê divê berfireh be û giştî gelê Kurd û Ereb bigire nava xwe.
Êdî diyaloga Kurdî – Erebî pêwîst e, da ku bigihîje kordîneyeke helwestan û hevkariyeke temam di çarçoveya berjewendiyên bilind ên herdu aliyan de pêk were.
Bi taybet doza kurdî bi giştî dikeve nava ewlehiya netewî ya erebî.