Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Mustafa Karasu: “Maberê hêzanê îqtîdarî de nakokîyê pîlîy estê”

 

Endamê Konseya Rayirbere ya KCK’yî Mûstafa Karasûyî derheqê qilêrinî û têkilîyê mafyatîkan êy îqtîdarî de nêy vatîy:

Îtîraf û îfşayê Pekerî zaf cîddî yê.

Peker, mîyanê pergala faşîste ke dişmena Kurdan û demokrasîyî ya ra yeno û serekçete yo.

Dewlete her wext, tay karêy xo êy qilêrinan, bi tay kesan dana kerdiş û dime ra zî înan orte ra wedarena.

Na raybazêka tarîxî ya dewleta tirke ya.

Topal Osman, nimûneyêko tarîxî yê na rewşe yo.

Reyna, serranê 90’î de xeylê îtîrafkerîy amey bikarardene û dime ra zî orte ra amey wedartene.

Îtîya de zî yeno fehmkerdiş ke, Peker bi kar ardo û nika wazenê bêtesîr bikerê.

Heke wina nêbayêne se, keso ke ende mîyanê pergale de mendo û ameyo şixulnayiş, karêy qilêrinîy êy dewlete wina deşîfre nêkerdê.

MÛSTAFA KARASÛ:
“MABERÊ HÊZANÊ ÎQTÎDARÎ DE NAKOKÎY PÎLÎY EST Ê”
Karasûrîy wina dewam kerd.

Sazîyê dewlete, yenê mehneyê tekoşîna îqtîdarî.

Nika di na tekoşîna îqtîdarî de, şerr û nakokî vecîyayê.

Di binkeya na pergala ke têkilîyê qilêrinan sero ameya awankerdene de, şerrê verva Kurdan est o.

Do çîyê wina qilêrinîy vecîyê ke, herkes şaş bimano.

Gere na baş bêro zanayiş ke, di pey heme karêy qilêrinan de dewlete est a.

Serranê 90’î de, seba ke fînansmanê şerrî peyda bikerê, bi kontrolê Çîllere û dewlete qaçaxçîtîya eroînî, ameyêne kerdene.

Ewro zî bi heman awayî seba fînansmanê şerrî, di kontrolê Erdoganî de, dewlete ney ticaretî kena.

Keştîyê Serokwezîr Bînalî Yildirimî, yenê bikarardene.

Bi pereyanêy ke qaçaxçîtîya eroînî ra yenê bidestvistiş, çeteyê Sûrîya yenê finansekerdene.

Îqtîdarê AKP-MHP, di bin nameyê beka û welatî, heme qilêrinîy ameyê meşrûkerdene.

MÛSTAFA KARASÛ:
“ÎQTÎDARO FAŞÎST SEBA KE VERVA TEKOŞÎNA AZADÎYE BI SER NÊKEWT, ALOZÎYAN DEST PÊ KERD”

Karasûyî vat;

Îtîrafê Pekerî nîşan danê ke, mîyanê dewleta qilêrine de rewşe başe nîya.

Mîyanê pergala ke dişmentîya şarê Kurdî sero ameya awankerdişî de, alozîye est a û peleşîyena.

No peleşîyayiş, bi sebebê tekoşîna Têgêrayişê Azadîye ya Şarê Kurdî yo.

Heke îqtîdaro faşîst di şerrê verva Têgêrayişê Azadî û hêzanê demokrasîyî de bi ser bikewtayêne se, nêy îfşay nêvecîyayêne orte.

Seba ke di nêy şerrî de bi ser nêkewtîy, di mîyanê pergale de lejî û alozîyan dest pê kerdo.

MÛSTAFA KARASÛ:
“ÎTÎRAFANÊ PEKERÎ, GLADÎYOYA SERAYE YA ERDOGAN,BAHÇELÎ Û SOYLÛYÎ DEŞIFRE KERDE”

Endamê Konseya Rayirbere ya KCK yî Mûstafa Karasûyî vatişê xo wina bi peynî kerdîy.

Ewro gureyêko tarîxî keweno milê hêzanê demokrasîyî ser. Îqtîdarê AKP-MHP di wextê xo yê tewir zeîfî de yo.

Êrîş û hêrsê verva şarî û hêzanê demokrasîyî zî, bi sebebê naye yê.

Her rocêka nêy îqtîdarî, seba şaranê tirkîya zirarêko pîl a.

Gere verva nêy îqtîdarî tekoşîna demokrasîyî, bêro berzkerdene.

Îtîrafanê Pekerî ,Gladîyoya Saraye ya Erdogan, Bahçelî û Soylûyî deşîfre kerde.

Reyna nêy îtîrafîy, karakterê îqtîdarî nîşan danê.

Persgiraye, bi îstîfaya Soylûyî çareser nêbena.

Ger îqtîdar bi temamî, neçarê îstîfa bêro kerdene.

Heke heme hêzê muxalefet û demokrasîyî naye de pê bikerê û bêrê pêhete, no îqtîdar nêşikeno lingan sero bimano.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv