Endamê Konseya Rayirbere ya KCK’yî Mûstafa Karasûyî, derheqê feraset û polîtîkayanê dewleta tirke êy verva şarê Kurdî de qisey kerd.
Karasûyî vat;
Badê rijîyayişê Dewleta Osmanî, dewleta tirke ferasetê yewperestî sero amî awankerdene.
Di ney ferasetî de esas, çinêkerdişê şar û çandê bînan bi.
Bi no sebeb, dewleta tirke nêşika bibo dewletêka normal û demokratîke.
Badê qirxûnê Ermenan, seba dewleta Tirke persgiraya tewir pîle, Kurdîy bîy.
Gere Kurdîy zî bi polîtîkayêka taybete biamebêne çinêkerdene.
Rayira îqtîdarbîyişî zî qebûlkerdişê polîtîkayanê qirkerdişî êy verva şarê Kurdî bi.
Zê nimûneyî, Înan êy ke Menderes îdam kerd; di qiseykerdişêkê xo yê bi menderesî reyde ci ra persenê “persgiraya binkeyîne ya Tirkîya çi ya?
Menderes vano; “Seba tirkîya talûkeyo tewir pîl kurd ê”. Yanê kesêy ke di mijarê bînan de cêra cîya fikirîyayê, di mijara kurdan de ,wayir heman ferasetî bîy.
Karasûyî wina dewam kerd;
Bi ney ferasetî, şîddet bi raybaza serekîye ya verva waştekanê demokratîkan.
Verva Kurdan polîtîkayê şerrê taybetî defîyay merîyete.
Vernîye ro nizdbîyişê çepgir û îslamîstan yo bi kurdan reyde, amî girotene.
Bi no sebeb, badê serranê 1968’ine, çepgirîy hedef amey hedefgirewtene.
Serranê 80 û 90’î de ferasetê ” Her sûc yeno efûkerdiş la cîyakerî, ke îtîya kurdîy yenê qestkerdiş,qettîyen nîna efûkerdene”, zê siloganan awanîyanê polîsan de daleqnayey bîy.
Mûstafa Karasûyî hemkarîya hêzanê mîyanetewî ya di na mijare sero de zî nêy vatîy.
Ardişê îqtîdarî yê AKP de, didi mexsedê binkeyînîy est bîy.
Ya yewîne badê esaretê Rayver Apoyî, bi vatevata îslamî û demokrasî, antişê kurdan yê mîyanê pergale, ya didiyine zî di mudaxeleyê Îraqî yê Emrîka de, di tirkîya de karîserobîyişê îqtîdarêkê hemekar û îslamîstî, bîy
Reyna AKP di wexto ke ameyê vatiş, Tekoşîna Şarê Kurdî zeîfe bîya, amî îqtîdar.
La ke bi Hemleya 1’ê Hezîrane, gêrîllayî tekoşîne berze kerde, AKP lerza.
Seba ke îqtîdarî de bimendêne, gere tekoşîna gêrîllayî sist bibayêne.
Bi no sebeb Têgêrayişê Azadîye ra îlankerdişê adirbestî waşt.
Rayver Apoyî, rewşe fehmkerde û waşt pêvajoye ver bi aştîye bero.
La aştîye bi goreyê kodanê dewlete nêbi û serra 2014’ine de “Plana Çokdayişî” amî hedrekerdene.
Îqtîdarê AKP-MHP, serra 2015’ine plane deviste merîyete û êrîşo topyekûn da destpêkerdene.
Polîtîkayanê şerrî xo reyde qilêrinî ardîy.
Dewlete, bî dewleta çeteyan û mafîya.
Endamê Konseya Rayirbere Mûstafa Karasûyî vat;
Heta ke persgiraya Kurde nêro çareserkerdiş do na qilêrinî dewam bikero û Tirkîya na rewşa kaotîke ra nêxelesîyena.
