Endamê Konseya Rayirbere ya KCK’yî Mûstafa Karasûyî di destpêka qiseykerdişê xo de, di şexsê Sînan Dersimî de heme şehîdê tekoşîna azadîye bi vîr ardîy û vat;
Rayheval Sînan Dersimî, tim xeta partî û rayvertîye temsîl kerde.
Do tekoşîna ey hetê şar, cînî û ciwanan ra, bideyo cuwîyayene.
Mûstafa Karasûyî vatiş ard êrîşê verva Heremanê Pawiteyan êy Medya ser û nêy vatîy.
Nêy êrîşîy perçeyêkê plana çokdayişî ya serra 2014’ine yê.
MÛSTAFA KARASÛ:
“BI TASFÎYEKERDIŞÊ GÊRÎLLAYÎ WAZENÊ QIRKERDIŞÎ TEMAM BIKERÊ”
Gere no zê êrîşêkê qirkerdişî bêro dîyiş.
Dişmen bi tasfîyekerdişê gêrîllayî wazeno qirkerdişê şarê kurdî temam bikero.
Gere na raştîye hetê heme şarê Kurdî ra baş bêro zanayene.
Nêy êrîşîy bi paştîdayişê Emrîka û Ewropa yenê pêkardene.
Xora êrîşî badê pêdîyişê Erdogan û Bîdenî û de serragêrayîya Qirxûnê Ermenan de dest pê kerd.
Bi naye peyama “dore ameya şima” yena dayiş.
ENDAMÊ KONSEYA RAYIRBERE YA KCK’YÎ MÛSTAFA KARASÛ:
“HEKE NO ÊRÎŞ NÊRO VINDARNAYIŞ DO DORE BÊRO HEWLÊRE Û SILÊMANÎYA”
Karasûyî vat; Verva nêy êrîşan vercîyayiş gure û verpersîyarîya her kurdêke û her hêzêka sîyasî ya kurdan a.
La ma awnenê di serre de PDK, hêzêy sîyasî êy kurdan helwestêke nîşan nêdanê wext bi wext hemkarî û hetkarîy dişmenî zî, kenê.
Nêy êrîşîy tenê verva PKK û Vakûrî nê, verva destkewteyanê Vaşûr û Rojavayî yê zî.
Gere Şarê Vaşûrî bizano heke gêrîlla derrbe biewro, do şar û hêzêy sîyasî êy Vaşûrî zî,heme destkewteyanê xo vînî bikerê.
Heke no îşgal nêro vindarnayiş, do siba Hewlêre û Silêmanîye bêrê îşgalkerdene.
La verîya naye wazenê kelemê tewir asyêyî, PKK yî ra bixelesîyê.
Bi no sebe gere şaro Kurd, her perçeyî û hemeyê dinya de wirzo ra lingan ser û helwesta tewir tûje nîşanê nêy êrîşan bido.
Endamê Konseya Rayirbere yê KCK’yî Mûstafa Karasûyî vatiş ard tecrîdê ro ser Rayver Apoyî û nêy vatîy.
Kes nêşikeno rewşa Îmralî sero, bi goreyê hiqûqî mijûl bibo.
Îmralîyî de, pergalêka qirkerdişî ya şarê Kurdî est a.
Nizdbîyişê verva Rayver Apoyî, nizdbîyişê verva Şarê Kurdî yo.
Na pergale, hetê Ewropa û Emrîka ra ameya erêkerdene.
Dewleta tirke tenê xerdîyanîye kena.
ENDAMÊ KONSEYA RAYIRBERE YA KCK’YÎ MÛSTAFA KARASÛ:
“GÊRÎLLA DO ZÊ ZAPÎ Û GARÊ DORÊKA BÎNE DIŞMENÎ TÊK BERO”
Mûstafa Karasûyî xoverdêrîya Zîndanan zî silam kerde û nêy vatîy.
Xoverdêrîya zîndanan zî, zê xoverdêrîya Gêrîllayî rûmetê şarê Kurdî ya.
Bi deshezaran girotey bi awayêko fedayî, tekoşîne danê.
Heta ke gêrîlla û giroteyê fedayî bibê, kes nêşikeno tekoşîna şarê kurdî bivindarno.
Senî ke na ra ver Zap û Garê de têk şîy, do reyna zî têk şêrê.
Do tekoşîna azadîye miheqeq bi ser bikewo.
