Cenîyê Meclîsa HDP,di çerçoveya kampanya ya “Seba Cenîyan Edalet”xebata xo domnenê..
Heyetêke HDP ra,Vervatoxa Meclîsa Cenîyanê HDP Ayşe Acar Başarane û parlemenentera HDP Huda Kaya zî di mîyan şîy Dersîme..
Heyeta Cenîyan,bi meclîsa Cenîyanê HDP ya Dersîme ra pîya derbasê qezaya Xozade bîy.
Heteta Cenîyan karker û xebatkarê tekstîl û ya atolyeya rêçalî zîyaret kerd.
Heyeta Meclîsa Cenîyanê HDP, goştarîya persgirayê Cenîyanê karkeran û xebatkaran kerd.
Cenîyan heyeta HDP bi keyfweşîye verwazî kerde.
Cenîyanê karkeranê atolya Tekstîl û Rêçalî,behsê zor û zehmetîyanê xo kerd.
Heyeta Meclîsa Cenîyanê HDP,Xozade ra derbasê Qezaya Pilure bî.
Qezaya Pilure de zî heyete karkerê atolyeyanê tekstîlî zîyaret kerd.
Cenîyê xebatkarê Atolyeya tekstîlî,vayîya kumaşan û krîzê aborî sero bi heyete reyde qisey kerdîy.
Heyeta Meclîsa Cenîyanê HDP, peynî de zî çimêyê awa Munurî zîyaret kerd.
Vervatoxa Meclîsa Cenîyanê HDP Ayşe Acar Başarane çimeyê awa Munzurî sero qisey kerd û vat;
Ma verva feqîrî û xizanîya Cenîyan dest bi kapmayanya “Seba Cenîyan Edaletî” kerd. Konaxa 3’ine ya Kampanyaya xo de ma amey Dersîme. Dersîme de tenê feqîrî û xizanî çinya. Heman wextî de xozaya Dersîme binê tehdîtê Dewlete de ya. Reyna îttîqatê şarê Dersîme sero tehdîtî estê. Cenîya wendekara zaningehe Munzurî Gulîstan Dokuye,verê çiman de vînîbîy. Badîzî heyeta Meclîsa Cenîyanê HDP derbazê suka Dersîme bîye.
